संग्रहित छायाचित्र
संग्रहित छायाचित्र 
मुख्य बातम्या

डिझेल दरवाढीचा शेतीच्या मशागतीलाही फटका

टीम अॅग्रोवन

अकोला  ः देशात पेट्रोल, डिझेल दरांमध्ये सतत वाढ होत असून, याचा थेट परिणाम कृषी क्षेत्रावरही पडू लागला आहे. हंगामाच्या तोंडावर डिझेलच्या दरवाढीमुळे ट्रॅक्‍टरच्या साह्याने होणाऱ्या सर्व प्रकारच्या मशागतींचे दर सव्वा ते दीडपटीने वाढले आहेत. याचा थेट फटका शेतकऱ्यांना सहन करावा लागणार आहे.

गेल्या काही दिवसांपासून पेट्रोल, डिझेलचे दर वाढत असल्याने सर्वसामान्य जनतेत रोष वाढत चालला आहे. विरोधकांनी सरकारच्या विरोधात सर्वत्र आंदोलने सुरू केली आहेत.

ठिकठिकाणी मोर्चे धडकत आहेत. डिझेलच्या दरात वाढ झाल्याने ट्रॅक्‍टर चालकांनी मशागतीचे दर वाढविले आहेत. साधारणतः ६५ रुपयांपर्यंत मिळणारे डिझेल सध्या ७२ ते ७३ रुपये लिटर दराने खरेदी करावे लागत आहे. लिटरमागे सात ते आठ रुपयांची मोठी वाढ झाली आहे. यामुळे साहजिकच ट्रॅक्‍टरचे दर वाढवावे लागले, असे चालकांचे म्हणणे आहे. सध्या शेतीची ६० टक्‍क्‍यांपेक्षा अधिक मशागत ही भाड्याने ट्रॅक्‍टर सांगून केली जाते.

गेल्या हंगामात नांगरटीचा दर चारशे ते पाचशे रुपये एकर होता. या वर्षी तो सातशे रुपयांवर पोचला आहे. रोटाव्हेटर जे सातशे रुपये एकर व्हायचे ते थेट नऊशे ते एक हजार रुपये करण्यात आले. ट्रॅक्‍टरच्या साह्याने एक पिशवी सोयाबीन पेरण्यासाठी ५०० रुपये घेतले जात होते. 

या वर्षी डिझेलचे दर वाढल्याने हा दर सातशे ते आठशे रुपये आकारल्या जाऊ शकतो, असे ट्रॅक्‍टर मालकांनी सांगितले. जर ही दरवाढ अशीच होत राहली तर ट्रॅक्‍टरने केल्या जाणाऱ्या मशागतीच्या दरांमध्ये आणखी वाढीची शक्‍यता वर्तविली जात आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Mahavitaran : ‘महावितरण’च्या यंत्रचालक, तंत्रज्ञांचा विशेष गौरव

Nagpur Lok Sabha : ...तर मतदानात वाढ झाली असती

Sangli Lok Sabha Election : सांगली लोकसभा मतदार संघात १६६८ दिव्यांग, ज्येष्ठांचे मतदान

Co-operative Credit Society : सांगलीतील २३१ सोसायट्यांचे संगणकीकरण मेअखेर पूर्ण करा

Water Tanker Bill : टॅंकरने पाणी पुरविणाऱ्यांची १५ कोटींचे देयके थकली

SCROLL FOR NEXT