संग्रहित छायाचित्र
संग्रहित छायाचित्र 
मुख्य बातम्या

तूर खरेदीच्या मुदतवाढीची केंद्राकडे मागणी

टीम अॅग्रोवन

मुंबई  : राज्यात मोठ्या प्रमाणात तूर खरेदी शिल्लक असून, तूर खरेदीला ३० जूनपर्यंत मुदतवाढ द्यावी. तसेच खरेदी करण्यात येणारी तूर ठेवण्यासाठी इतर राज्यातील गोदामे उपलब्ध करून देण्याची मागणी राज्य सरकारने केंद्र शासनाकडे केली आहे. केंद्रीय कृषी मंत्री राधामोहनसिंह यांना पाठवलेल्या पत्राद्वारे ही मागणी करण्यात आली आहे. पत्रामध्ये म्हटले, की राज्य शासनातर्फे नाफेड, पणन महासंघ आणि विदर्भ पणन महासंघाच्या मदतीने तूर खरेदी करण्यात येत आहे. राज्यातील तूर खरेदी केंद्रांवर ४ लाख ५७ हजार ९३० शेतकऱ्यांनी नोंदणी केली असून, त्यापैकी २ लाख ९ हजार ४२८ शेतकऱ्यांची तूर खरेदी करण्यात आली आहे. अजूनही २ लाख ४८ हजार ५०० शेतकऱ्यांची १८ लाख ६८ हजार क्विंटल तूर खरेदी करणे शिल्लक आहे. तसेच केंद्राने राज्याला ३० लाख क्विंटल हरभरा खरेदीचे उद्द‍िष्ट असून, आतापर्यंत नोंदणी केलेल्या १ लाख ४८ हजार शेतकऱ्यांपैकी २६ हजार ७८३ शेतकऱ्यांकडून ३ लाख ६५ हजार ४०० क्विंटल हरभरा खरेदी करण्यात आला आहे.

राज्यातील गोदामांमध्ये सुमारे १०० लाख क्विंटल तूर ठेवण्यात आलेली असल्यामुळे खरेदी करणे बाकी असलेली तूर आणि हरभरा ठेवण्यासाठी गोदामांमध्ये जागा शिल्लक नाही. या कारणाने गेल्या वर्षी खरेदी करण्यात आलेली गोदामांमध्ये शिल्लक असलेली तूर विकण्यासाठी नाफेडला निर्देश द्यावेत. वाढवून दिलेल्या १५ मेपर्यंतच्या मुदतीतही तूर खरेदी करणे शक्य नसून, तूर खरेदीचा कालावधी ३० जून २०१८ पर्यंत वाढविण्यात यावा. तसेच इतर राज्यातील गोदामे उपलब्ध करून द्यावीत, तूर खरेदीची मर्यादा १२ लाख ३६ हजार क्विंटलपर्यंत वाढवून द्यावी, अशी विनंती या पत्राद्वारे केंद्र शासनाला केल्याचे कृषी व पणन राज्यमंत्री सदाभाऊ खोत यांनी स्पष्ट केले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Mahavitaran : ‘महावितरण’च्या यंत्रचालक, तंत्रज्ञांचा विशेष गौरव

Nagpur Lok Sabha : ...तर मतदानात वाढ झाली असती

Sangli Lok Sabha Election : सांगली लोकसभा मतदार संघात १६६८ दिव्यांग, ज्येष्ठांचे मतदान

Co-operative Credit Society : सांगलीतील २३१ सोसायट्यांचे संगणकीकरण मेअखेर पूर्ण करा

Water Tanker Bill : टॅंकरने पाणी पुरविणाऱ्यांची १५ कोटींचे देयके थकली

SCROLL FOR NEXT