शिरूरकासार, जि. बीड :  तालुक्यात दोन वर्षांपूर्वी दुष्काळी परिस्थितीने पिके होरपळून निघाली. पण, या वर्षी धो धो पाऊस पडत आसल्याने खरीप हांगामातील ५१ हाजार हेक्टर क्षेत्रातील पिके पाण्यात सडत आहेत. त्यामुळे शेतकऱ्यांचे शंभर टक्के नुकसान झाले. त्यामुळे शेतकरी हातास होऊन आर्थिक संकटात सापडला आहे. पिकांचे पंचनामे करून सरकार आर्थिक नुकसानभरपाई देणार, या आशेवर शेतकरी दिवस काढत आहेत.

तालुक्यात गत हंगामात पाऊस नसल्याने खरिपासह रब्बी हंगामातील पिकांचे नुकसान झाले. पाण्याचा, पशुधनाचा प्रश्न गंभीर झाला होता. यंदा खरिपाच्या हंगामात जूनअखेर पाऊस झाल्याने पिकांची पेरणी करून पैसे बियाणे, खतांवर खर्च करून टाकले. पिके चांगली येथील या आशेवर खत, पाण्यावर भरमसाट खर्च केला. पोळ्यानंतर दमदार पावसाने पिकांना संजीवनी मिळाली. पण, मागील पंधरा दिवसांपासून पावसाने दमदार हजेरी लावली. कोरडे प्रकल्प, तलाव, नदी-नाले, ओढ्याला पाणी आले.

याशिवाय पिकांना कोंब आले. कपाशीचे मोठे नुकसान झाले. पिकात पाणी साचून शेताला तळ्याचे स्वरूप आले आहे. त्यामुळ पिके सडत आहेत. 

सर्व खर्च वाया गेल्याने शेतकऱ्यांसमोर आर्थिक संकट उभे राहिले आहे. या विवेचंनेतून कोळवाडी येथील शेतकऱ्याने आत्महत्येचा मार्ग अवलंबला आहे. शेतकरी हाताश होऊन शेतातील पाण्यात सडत असलेल्या पिकांकडे बघत असल्याचे चित्र आहे. 

पिकांच्या नुकसानीची स्थिती (हेक्टर)