Hingoli News: हिंगोली कृषी उत्पन्न बाजार समितीमध्ये सोयाबीनचे दर दबावात आहेत. तर हळदीच्या दरात नरमाई आहे. हिंगोली धान्य बाजारामध्ये (भुसार माल मार्केट) शुक्रवारी (ता. २) सोयाबीनची ८०० क्विंटल आवक होती. सोयाबीनला प्रतिक्विंटल किमान ३७९० ते ४२९० रुपये, तर सरासरी ४०४० रुपये दर मिळाले. संत नामदेव हळद मार्केटमध्ये शुक्रवारी (ता. २) हळदीची १९६० क्विंटल आवक होती. हळदीला प्रतिक्विंटल किमान ११००० ते कमाल १३००० रुपये, तर सरासरी १२०० रुपये दर मिळाले.

शुक्रवारी (ता. २) हरभऱ्याची ३०० क्विंटल आवक होऊन प्रतिक्विंटल किमान ५४४५ ते कमाल ५५७० रुपये, तर सरासरी ५५०७ रुपये दर मिळाले. गव्हाची (शरबती) १२५ क्विंटल आवक होऊन प्रतिक्विंटल किमान २७९५ ते कमाल ३२९५ रुपये, तर सरासरी ३०४५ रुपये दर मिळाले. ज्वारीची ६५ क्विंटल आवक होऊन प्रतिक्विंटल होऊन प्रतिक्विंटल किमान १५०० ते कमाल २०४५ रुपये, तर सरासरी १७७२ रुपये दर मिळाले.

सोयाबीनचे दर दबावातच

बुधवारी (ता. ३०) सोयाबीनची १००० क्विंटल आवक असताना प्रतिक्विंटल किमान ३७५० ते कमाल ४२५० रुपये, तर सरासरी ४००० रुपये दर मिळाले. सोमवारी (ता. २८) सोयाबीनची ९०० क्विंटल आवक असताना प्रतिक्विंटल किमान ३८३५ ते कमाल ४३३५ रुपयेस तर सरासरी ४०५० रुपये दर मिळाले.

आवक वाढल्याने हळद दरात नरमाई

बुधवारी (ता. ३०) हळदीची २११० क्विंटल आवक होऊन प्रति क्विंटल किमान १०५०० ते कमाल १२८०० रुपये, तर सरासरी ११६५० रुपये दर मिळाले. सोमवारी (ता. २८) हळदीची १९०० क्विंटल आवक असताना प्रति क्विंटल किमान ११००० ते कमाल १३५०० रुपये, तर सरासरी १२२५० रुपये दर मिळाले.

हरभरा दरात चढ-उतार

बुधवारी (ता. ३०) हरभऱ्याची ३०० क्विंटल आवक होऊन प्रतिक्विंटल किमान ५०२० ते कमाल ५४२० रुपये, तर सरासरी ५२२० रुपये दर मिळाले. मंगळवारी (ता. २९) हरभऱ्याची ३६० क्विंटल आवक होऊन प्रतिक्विंटल किमान ५४५५ ते कमाल ५५३० रुपये, तर सरासरी ५४८७ रुपये दर मिळाले.