Raisin Market Agrowon
मार्केट इन्टेलिजन्स

Raisin Market : कवठेमहांकाळमध्ये एक हजार टन बेदाणा मातीमोल

कवठेमहांकाळ तालुक्यातील नागज परिसरात बेदाणा निर्मितीची लगबग सुरु होती. अचानक वादळी वाऱ्यासह जोरदार पाऊस झाला.

Abhijeet Dake

Sangli News : कवठेमहांकाळ तालुक्यातील नागज परिसरात बेदाणा निर्मितीची (Raisin Production) लगबग सुरु होती. अचानक वादळी वाऱ्यासह जोरदार पाऊस झाला. अन् एका क्षणात सुमारे लाखो रुपयांचा एक हजार टन बेदाणा भिजला. त्यामुळे पंचनामे करून त्याची भरपाई द्यावी, अशी मागणी बेदाणा उत्पादकांनी केली आहे.

कवठेमहांकाळ तालुक्यातील नागज परिसर हा बेदाणा निर्मितीचे हब म्हणून ओळखला जातो. या परिसरात सुमारे ३ हजाराहून अधिक बेदाणा निर्मितीचे शेड आहेत. डिसेंबर ते जानेवारीपासून बेदाणा निर्मितीचा हंगाम सुरु होतो.

यंदा द्राक्षाला अपेक्षित दर नसल्याने शेतकरी बेदाणा निर्मितीकडे वळले. यापूर्वी ढगाळ वातावरणाचा फटका बसला होता. परंतु सध्या नेमकी शेडवर बेदाणा निर्मितीची लगबग सुरु असताना अवकाळीने बेदण्यास दणका दिला आहे.

पाण्यासोबत बेदाणाही गेला वाहून

सध्या बेदाणा हंगाम अंतिम टप्प्यात आला आहे. सुमारे ३०० हून अधिक शेडवर बेदाणा निर्मितीचे काम सुरु होते. वॉशिंग केलेला बेदाणा वाळत घातला होता. शुक्रवारी (ता.१४) दुपारी वादळी वाऱ्यासह जोरदार पाऊस झाला.

त्यात बेदाणा भिजला. पाण्यासोबत बेदाणाही वाहून केला. बेदाण्यात पाणी साचले. भिजलेल्या बेदाण्याचा काहीच उपयोग नाही. ढगाळ वातावरण आणि पावसामुळे बेदाणा काळा पडतो. त्यामुळे त्याचा दर्जा घसरतो. त्यामुळे शेतकरी आर्थिक संकटात सापडले आहेत.

शेडवर सुमारे १५० टन बेदाणा निर्मितीचे काम सुरु होते. त्यापैकी सुमारे ३० ते ४० टन बेदाणा तयार झाला होता. सगळा बेदाणा भिजला.

- सुनील माळी, शेड मालक, केरेवाडी, ता. कवठेमहांकाळ, जि. सांगली.

द्राक्षाला अपेक्षित दर नसल्याने बेदाणा तयार करण्याचा निर्णय घेतला. पण शेवटच्या टप्प्यात वादळी वाऱ्यासह पावसाने हजेरी लावली. २५ टन तयार बेदाणा भिजला. पंचनामे करून नुकसान भरपाई द्यावी.

- योगेश मंडलिक, शेतकरी, राजेवाडी, ता. आटपाडी, जि. सांगली

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT