Hingoli News : हिंगोली बाजार समितीअंतर्गत धान्य बाजारात (भुसार माल मार्केट) बुधवारी (ता. ३१) तुरीची ६५० क्विंटल आवक होती. तुरीला प्रतिक्विंटल किमान ९३९० ते कमाल १००५० रुपये तर सरासरी ९७२० दर मिळाले.

हिंगोली धान्य बाजारात यंदाच्या हंगामातील नवीन तुरीची आवक सुरू आहे. मागील आठवड्यात दैनंदिन २५० ते ६०० क्विंटल आवक झाली. मंगळवारी (ता. ३०) तुरीची ५०० क्विंटल आवक असताना प्रतिक्विंटल किमान ९६०० ते कमाल १०३०० रुपये तर सरासरी ९९५० रुपये दर मिळाले.

सोमवारी (ता. २९) तुरीची ४०० क्विंटल आवक होऊन प्रतिक्विंटल किमान ९९०० ते कमाल १०५०० रुपये तर सरासरी १०२०० रुपये दर मिळाले. शनिवारी (ता. २७) तुरीची ६०० क्विंटल आवक होऊन प्रतिक्विंटल किमान ९३०० ते कमाल १०२५० रुपये तर सरासरी ९७७५ रुपये दर मिळाले.

गुरुवारी (ता. २५) ५०५ क्विंटल आवक होऊन प्रतिक्विंटल किमान ९४५५ ते कमाल १०३५० रुपये तर सरासरी ९९०२ रुपये दर मिळाले. बुधवारी (ता. २४) २५० क्विंटल आवक होऊन प्रतिक्विंटल किमान ९३३५ ते कमाल १०३०० रुपये तर सरासरी ९८१७ रुपये दर मिळाले.