कोल्हापूर : जुलै महिन्यातील देशांतर्गत साखर विक्रीसाठी (Domestic Sugar Sale) एक महिन्याची मुदतवाढ (३० दिवस) अन्न सार्वजनिक वितरण विभागाने (Food And Public Distribution) दिली आहे. मंगळवारी (ता. २) याबाबतची अधिसूचना जारी करण्यात आली आहे.

वाहतुकीची अपुरी उपलब्धता आणि अतिवृष्टीमुळे उद्भवलेल्या परिस्थितीमुळे देशांतर्गत बाजारामध्ये साखर वाहतूक करणे अडचणीचे झाले आहे. सर्वच घटकांना ही समस्या भेडसावत असून यातून वर काढण्यासाठी केंद्राने जिल्ह्याची साखर विक्रीसाठी एक महिना परवानगी दिली.

कारखानदारांना ऑगस्टअखेर जुलै व ऑगस्टची साखर विकता येणार आहे. जुलैच्या सुरुवातीला केंद्राने २१ लाख टन साखर विक्रीचा कोटा दिला होता. काही दिवसांनंतर त्यात पुन्हा ४४ हजार टनांची वाढ गेली होती. देशात बहुतांश ठिकाणी जुलैमध्ये पाऊस असल्याने साखरेचे वाहतूक व विक्री करणे कठीण गेले याची दखल घेऊन केंद्राने ही सवलत दिली आहे.