Banana Rate Agrowon
मार्केट इन्टेलिजन्स

Banana Rate : केळीच्या दरात सुधारणा

खानदेशात दर्जेदार किंवा उत्तम प्रतीच्या केळीचे दर १६५० रुपये प्रतिक्विंटलवर पोहोचले आहेत. कमी दर्जाच्या केळीचे दर १००० ते १२५० रुपये प्रतिक्विंटल आहेत. उत्तर भारतासह राज्यातून मागणी असल्याने दरात सुधारणा झाली आहे.

टीम ॲग्रोवन

जळगाव ः खानदेशात दर्जेदार किंवा उत्तम प्रतीच्या केळीचे दर (Banana Rate) १६५० रुपये प्रतिक्विंटलवर पोहोचले आहेत. कमी दर्जाच्या केळीचे दर (Quality Banana Rate) १००० ते १२५० रुपये प्रतिक्विंटल आहेत. उत्तर भारतासह राज्यातून मागणी (Banana Demand) असल्याने दरात सुधारणा झाली आहे.

कांदेबाग (मागील सप्टेंबर, ऑक्टोबरमधील लागवडीची केळी) केळीची काढणीदेखील सुरू झाली आहे. आगाप लागवड अनेकांनी मागील सप्टेंबरमध्ये केली होती. या केळीत काढणी सुरू असून, या केळीलाही १६५० रुपयांवर दर आहे. कांदेबाग केळीची काढणी धुळ्यातील शिरपूर, जळगावमधील चोपडा, जळगाव, पाचोरा या भागात सुरू आहे. दर्जेदार केळीची पाठवणूक उत्तरेकडे काश्मीर, पंजाब, दिल्ली येथे केली जात आहे. तसेच उशिराच्या मृग बहर (मागील जुलै व ऑगस्टमधील लागवड) केळीलादेखील १६०० रुपयांवर दर आहेत.

खानदेशात दर्जेदार केळीला १६०० वर भाव

सध्या राज्यात सणासुदीचे दिवस आहेत. गणेशोत्सव, श्रावणातही केळीला उठाव होता. यामुळे केळी दरातील घसरण थांबली होती. गणेशोत्सव काळात केळीला कमाल १३०० रुपये दर खानदेशात मिळाला. परंतु मृग बहर केळीची आवक कमी झाली. तसेच कांदेबाग केळीचीही आवक वाढलेली नाही. फक्त आगाप लागवडीच्या कांदेबाग केळीची आवक सुरू आहे. यामुळे दरात काहीशी सुधारणा झाली आहे. कमी दर्जाच्या केळीला राजस्थान, नागपूर, छत्तीसगड आदी भागांत उठाव आहे. पुढे नवरात्रोत्सव आहे. यामुळे केळी दरात घसरण होणार नाही, असाही कयास आहे. सध्या खानदेशात रोज १९० ट्रक (एक ट्रक १६ टन क्षमता) केळीची आवक होत आहे. धुळ्यातील शिरपुरात आवक वाढली आहे. तापी, अनेर काठी कांदेबाग केळी या भागात अधिक असते. दर्जेदार केळीची आवक या भागात होत आहे. जळगावमधील रावेर, यावल व मुक्ताईनगर या भागांतील आवक कमी होत आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT