Jalgaon News : सोने दरात या आठवड्यात सतत वाढ झाली असून, दर (जीएसटीसह) ७१ हजार ४९० रुपये प्रतितोळा झाले आहेत. चांदी दरातही वाढ झाली आहे. सोने दरवाढीचा नवा विक्रम या आठवड्यातही झाला आहे.

आंतरराष्ट्रीय बाजारातील वाढत्या किमतीचा परिणाम भारतीय बाजारपेठेतही दिसून येत आहे. देशातील अग्रगण्य सुवर्णपेठ असलेल्या जळगावच्या सराफा बाजारात सोने आणि चांदी दराचा नवा विक्रम नोंदविण्यात आला आहे.

सोन्याच्या दराने ७० हजारांचा आकडा पार केला. दुसरीकडे चांदीनेही ८० हजारांचा टप्पा ओलांडला आहे. यापूर्वी ९ मार्च रोजी सोने ६५ हजार ७०० रुपये प्रतितोळा होते. तर जीएसटीसह सोन्याचे दर ६७ हजार ५०० रुपये प्रतितोळा होते.

चांदीचा दरही वाढला

जळगावात चांदीचे दर ८० हजार ३४० रुपयापर्यंत पोहोचले आहेत. ६ मार्च रोजी ७२ हजार ८०० रुपये असलेल्या चांदीच्या दारातही मागील तीन - चार दिवसांत एक किलोमागे १२०० रुपये वाढ झाली.

चांदीचे दर ७४ हजार रुपये प्रतिकिलोवर पोहोचले होते. ५ ते २९ मार्चदरम्यान सोन्याच्या दरात एक तोळ्यामागे सहा हजारांची, तर चांदीच्या दरात एक किलोमागे तीन हजारांची वाढ झाली आहे.