Cotton Market Agrowon
ॲग्रोमनी

Cotton Market : आंतरराष्ट्रीय बाजारात कापूस दरात वाढ

Cotton Rate : देशातील बाजारात कापसाचे दर दबावात आहेत. सध्या कापसाला चालू हंगामातील निचांकी भाव मिळत आहे.

Team Agrowon

Cotton Bajarbhav : देशातील बाजारात कापसाचे दर दबावात आहेत. सध्या कापसाला चालू हंगामातील निचांकी भाव मिळत आहे. तर आंतरराष्ट्रीय बाजारात कापूस वायद्यांमध्ये सुधारणा झाली. तसेच प्रत्यक्ष खरेदीचे सरासरी दर म्हणजेच काॅटलूक ए इंडेक्सही वाढला आहे.

आंतरराष्ट्रीय बाजारात सध्या कापसाच्या वाद्यांमध्ये मोठी वाढ झाली आहे. मागील चार दिवसांपासून कापसाच्या वायद्यांमध्ये सुधारणा होत गेली. अमेरिकेच्या मध्यवर्ती बॅकेने अर्थात फेडरल रिझर्व्हने यापुढे व्याजदारत वाढ होणार नसल्याचे संकेत दिले.

तसेच आंतरराष्ट्रीय बाजारात मागणी वाढल्याने कापूस वायद्यांमध्ये सुधारणा दिसत असल्याचे जाणकारांनी सांगितले. वायद्यांमध्ये मागील चार दिवसांमध्ये जवळपास ८ टक्क्यांची सुधारणा झाली.

कापूस वायद्यांनी आज दुपारपर्यंत ८६.९० सेंट प्रतिपाऊंडचा टप्प गाठला होता. कापूस वायद्यांनी २७ जानेवारी २०२३ नंतर हा टप्पा गाठला होता. म्हणजेच तब्बल पाच महिन्यानंतर कापूस वायद्यांनी हा टप्पा गाठला.

आंतरराष्ट्रीय बाजारात कापसाला मागणी वाढत आहे. चीनमधूनही आयात सौदे वाढण्याचा अंदाज आहे. त्यामुळे आंतरराष्ट्रीय बाजारात कापसाचे वायदे सुधारत असल्याचे जाणकारांनी सांगितले. आंतरराष्ट्रीय बाजारात वायद्यांमधील सुधारणेबरोबरच प्रत्यक्ष कापूस खरेदी दरही वाढले.

जागतिक प्रत्यक्ष कापूस दराची सरासरी म्हणजेच काॅटलूक ए इंडेक्सही वाढला. काॅटलूक ए इंडेक्स ९८ सेंट प्रतिपाऊंडवर होता. काॅटलूक ए इंडेक्सही अनेक दिवसानंतर या पातळीवर पोचला होता.

आंतरराष्ट्रीय बाजारात कापसाचे वायदे आणि काॅटलूक ए इंडेक्समध्ये सुधारणा झाल्याचा परिणाम देशातील बाजारावर मात्र जाणवला नाही. देशातील कापूस बाजारावर मागील आठवड्यापासून दबाव वाढला.

कापसाच्या दराने आता हंगामातील निचांकी पातळी गाठली. सध्या देशात कापसाला सरासरी ७ हजार २०० ते ८ हजार रुपयांंचा भाव मिळत आहे. मे महिन्यात हंगामातील निचांकी भाव मिळण्याची ही पहिलीच वेळ असल्याचे बाजार विश्लेषक सांगत आहेत.

देशातील बाजारात सध्या कापसाची आवक सरासरी ८० हजार गाठींच्या दरम्यान असल्याचे व्यापारी सांगत आहेत. चालू हंगामात मे महिन्यातील आवक विक्रमी पातळीवर होत आहे. त्यामुळे कापसाच्या दरावर दबाव आहे.

बाजारातील कापूस आवक कमी झाल्यानंतर दरात सुधारणा अपेक्षित आहे. तसेच आंतरराष्ट्रीय बाजारातील कापूस दरवाढीचाही आधार देशातील कापूस बाजाराला मिळेल, असा अंदाज कापूस बाजारातील अभ्यासकांनी व्यक्त केला.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT