हिंगोली ः कृषी उत्पन्न बाजार समिती (Hingoli APMC) अंतर्गत धान्य बाजार (भुसार मार्केट) मध्ये शनिवारी (ता. २४) सोयाबीनची १५०० क्विंटल आवक (Soybean Arrival) झाली. सोयाबीनला (Soybean Rate) प्रतिक्विंटल किमान ५१५१ ते कमाल ५६०६ रुपये तर सरासरी ५३७८ रुपये दर मिळाले.

हिंगोली धान्य बाजारात सोमवार (ता.१९) ते शनिवार (ता.२४) या कालावधीत सोयाबीनची एकूण ४५१० क्विंटल आवक होऊन प्रतिक्विंटल किमान ४९९० ते कमाल ५६५० रुपये दर मिळाले. गुरुवारी (ता.२२) सोयाबीनची ८०० क्विंटल आवक होऊन प्रतिक्विंटल किमान ५००० ते कमाल ५५९५ रुपये तर सरासरी ५२९७ रुपये दर मिळाले.

बुधवारी (ता.२१) सोयाबीनची ९४५ क्विंटल आवक असताना किमान ४९९० ते कमाल ५५३० रुपये तर सरासरी ५२६० रुपये दर मिळाले. मंगळवारी (ता.२०) सोयाबीनची ६०० क्विंटल आवक होऊन प्रतिक्विंटल किमान ५०३० ते कमाल ५६११ रुपये तर सरासरी ५३२० रुपये दर मिळाले. सोमवारी (ता.१९) ६६५ क्विंटल आवक होऊन किमान ५१०० ते कमाल ५६५० रुपये तर सरासरी ५३७५ रुपये दर मिळाले.