कोल्हापूर : हंगामातील पहिला हापूस आंबा (Hapus Mango) कोल्हापूर शेती उत्पन्न बाजार समितीत (Kolhapur APMC) शनिवारी (ता.७) दाखल झाला.

मुहूर्ताच्या पहिल्याच सौद्यात पाच डझनाच्या पेटीला ५१ हजार रुपयांचा भाव मिळाला आहे. खासदार धनंजय महाडीक यांनी उच्चांकी बोली लावत कोल्हापुरातील पहिली आंब्याची पेटी घेतली.

बाजार समितीमध्ये शनिवारी (ता.७) सकाळी पहिला सौदा खासदार महाडीक यांच्या हस्ते काढण्यात आला. यावेळी यावर्षीचा सर्वात उच्चांकी दर कोल्हापुरात मिळाला.

भारमठ (ता. देवगड) येथील शेतकरी सुहास गोवेकर यांचा हापूस आंबा खासदार धनंजय महाडीक यांनी बोली लावत ५१ हजार रुपयांना खरेदी केला.लिलावात ५ हजार रुपयापासून सुरू झालेला दर हा तब्बल ५१ हजार रुपयांपर्यंत पोहोचला.