अलिबाग : धान खरेदी योजनेंतर्गत (Paddy Procurement Scheme) मार्केटिंग फेडरेशनच्या अखत्यारीतील ३८ केंद्रांवर भाताची विक्री (Paddy Sale) करणाऱ्या शेतकऱ्यांना किमान आधारभूत किंमत (Paddy MSP) मिळणार आहे. खरीप पणन हंगामाचा कालावधी तीन महिन्यांचा असून यामध्ये जास्तीत जास्त भाताची खरेदी (Paddy Procurement) करण्याचा सरकारचा प्रयत्न आहे, यासाठी शेतकऱ्यांना सुविधा पुरवल्या जात आहेत.

यंदा सर्वसाधारण भातासाठी दोन हजार ४० रुपये प्रतिक्विंटल; तर ‘अ’ दर्जाच्या भातासाठी दोन हजार ६० रुपये प्रतिक्विंटल दर जाहीर करण्यात आला आहे. भात खरेदीच्या वेळी शेतकऱ्यांनी आपल्याकडील जमिनीच्या सात-बारा उताऱ्याची छायांकित प्रत आवश्यक आहे.

धानाची खरेदी ऑनलाईन पद्धतीने होणार असल्याने नोंदणी आवश्यक आहे. रोज सायंकाळी खरेदी केंद्र बंद झाल्यानंतर खरेदी केंद्रांवर आणलेले, परंतु खरेदी न झालेले धान्य सांभाळण्याची जबाबदारी संबंधित शेतकऱ्यांचीच राहील, असे मार्केटिंग फेडरेशनकडून कळवले आहे.