सूर्यफूल ः पीक ११० दिवसांमध्ये तयार होते. पाने, देठ व फुलाची मागील बाजू पिवळी झाल्यानंतर कापणी करावी. कणसे चांगली वाळवून नंतर मळणी करावी. कांदा पीक वाढीच्या अवस्थेमध्ये आहे. या काळात फुलकिडींचा प्रादुर्भाव वाढण्याची शक्यता आहे. हे प्रमाण फेब्रुवारी-मार्च महिन्यापर्यंत वाढत राहते. फुलकिडे नियंत्रण ः फवारणी प्रतिलिटर पाणी - कार्बोसल्फान १ मिलि किंवा - फिप्रोनील १.५ मिलि किंवा - लॅम्बडा सायहॅलोथ्रीन ०.६ मिलि करपा रोग नियंत्रण ः फवारणी प्रति लिटर पाणी - मॅन्कोझेब २.५ ग्रॅम किंवा - क्लोरोथॅलोनील २.५ ग्रॅम किंवा - टेब्युकोनॅझोल १ मिलि टीप ः फुलकिडे आणि करपा एकत्र आढळल्यास, ही बुरशीनाशके वरील कीटकनाशकांमध्ये मिसळून फवारणी करता येईल. या सोबत स्टिकर १ मिलि मिसळल्यास फवारणीची कार्यक्षमता वाढते. मका खोडकिडा नियंत्रणः उगवणीनंतर ८-१० दिवसांनी, फवारणी प्रति लिटर पाणी डायमेथोएट (३० टक्के प्रवाही) १.५ मिलि चवळी चाऱ्यासाठी लागवड केलेले चवळी पीक वाढीच्या अवस्थेत आहे. मावा नियंत्रणः - निंबोळी अर्क ५ टक्के फवारावे. - डायमेथोएट (३० टक्के प्रवाही) १ मिलि प्रति लिटर पाण्यात मिसळून फवारणी करावी.फवारणीनंतर किमान सात दिवस जनावरांना हा हिरवा चारा देऊ नये. लसूण सध्याच्या काळात फुलकिडे आणि पांढरे लांबट कोळी या किडींचा प्रादुर्भाव वाढू शकतो. फुलकिडे नियंत्रण ः फवारणी प्रति लिटर पाणी फिप्रोनील (५ एस.सी.) १.५ मिली. कोळी किडीचे नियंत्रण ः - फेनपारॉक्झीमेट (५ ईसी) १ मिलि किंवा - फेनाक्झाक्विन (१० ईसी) २.५ मिलि. टोमॅटो - पर्णगुच्छ रोगाचा प्रसार पांढरी माशीमार्फत होतो. विषाणूजन्य ठिपक्याचा मर रोगाचा प्रसार फुलकिड्यांमार्फत होतो. रोगग्रस्त झाडे दिसताच उपटून नष्ट करावीत. नियंत्रण ः फवारणी प्रति लिटर पाणी - फिप्रोनील (५ इसी) १.५ मिलि किंवा - कार्बोसल्फान (२५ ईसी) १ मिलि अधिक मॅन्कोझेब २.५ ग्रॅम किंवा कार्बेन्डाझीम १ ग्रॅम. फळ पोखरणाऱ्या अळीचे नियंत्रण ः फवारणी प्रति लिटर पाणी - थायामेथोक्झाम (१२.६ टक्के प्रवाही) अधिक लॅम्बडा सायहॅलोथ्रीन (९.५ टक्के प्रवाही) ०.२५ मिलि. डाळिंब फुलकिडे नियंत्रण ः फवारणी प्रति लिटर पाणी स्पिनोसॅड (२.५ एस.सी.) १ मिलि. गुलाब फुलकिडे, पांढरी माशी नियंत्रणः फवारणी प्रति लिटर पाणी इमिडॅक्लोप्रिड (१७.८ एस.एल.) ०.५ मिलि किंवा अॅसिटॅमिप्रिड (२० एस. पी.) ०.४ ग्रॅम. कलिंगड, खरबूज सध्या कलिंगड आणि खरबूज वाढीच्या अवस्थेत आहे. या काळात फुलकिडे, मावा, पांढरी माशी या किडी आणि केवडा, भुरी, पानावरील ठिपके, मर आणि विषाणूजन्य रोगांमध्ये मोझॅक व बड नेक्रोसीस या रोगांचा प्रादुर्भाव दिसून येतो. कलिंगडाचे पीक दोन ते तीन पानांवर असताना फवारणी करावी. नियंत्रणाचे उपाय ः फवारणी प्रति लिटर पाणी - थायोमेथोक्झाम ०.४ ग्रॅम किंवा - कार्बोसल्फान १ मिलि अधिक मॅन्कोझेब २.५ ग्रॅम. नाग अळी ः - नाग अळी पानाच्या आत शिरून आतील भाग खाते. त्यामुळे पानावर नागमोडी रेषा तयार होतात. नियंत्रण ः फवारणी प्रति लिटर पाणी - निंबोळी अर्क (४ टक्के) किंवा कडूनिंबयुक्त कीटकनाशक ॲझाडिरेक्टिन (१० हजार पीपीएम) २ ते ३ मिलि किंवा - क्लोरॲन्ट्रानिलिप्रोल (१८.५ टक्के प्रवाही) ०.३ मिलि टीप ः सदर फवारण्या फुले येण्यापूर्वी कराव्यात. फुले आल्यानंतर शक्यतो निओनिकोटीनाइड्स गटामधील (उदा. अॅसीटामिप्रिड, इमिडाक्लोप्रीड व थायोमेथोक्झाम) कीटकनाशके फवारू नये. तुती ः रेशीम कीटकांच्या संगोपनासाठी तुतीचा पाला अन्न म्हणून वापरतात. तुतीवर तुडतुडे व फुलकिड्यांचा प्रादुर्भाव दिसून येतो. नियंत्रण ः फवारणी प्रति लिटर पाणी - डायमेथोएट १ मिलि टीप ः फवारणी केल्यानंतर १० ते १५ दिवसांपर्यंत तुतीचा पाला रेशीम किडीस खाद्य म्हणून वापरू नये. संपर्क ः ०२४२६-२४३२३९ (ग्रामीण कृषी मौसम सेवा आणि कृषी विद्या विभाग, महात्मा फुले कृषी विद्यापीठ, राहुरी.)