शिंदे गटातून विभागाला तीन मंत्रीपदे देण्यात आलीत. तर भाजपकडून अतुल सावे यांना मंत्रीदाची संधी देण्यात आलीय. सावे औरंगाबाद पूर्व विधानसभा मतदार संघाचे आमदार आहेत. सावे फडणवीस मुख्यमंत्रीपदी असताना शेवटच्या काळात राज्यमंत्री होते. शिंदे यांच्या मंत्रीमंडळात सावेंना बढती मिळाली आहे.

भूम- परांडा मतदारसंघाचे आमदार तानाजी सावंत यांना मंत्रिपदाची संधी देण्यात आली. फडणवीस सरकारमध्ये ते जलसंधारण मंत्री होते. महाविकास आघाडीमध्ये मध्ये मंत्रिपदाची संधी हुकल्याने ते नाराज होते.

ठाकरे सरकारमध्ये उच्च व तंत्रशिक्षणमंत्री असलेले उदय सामंत आणि फलोत्पादन व रोजगार हमी योजना मंत्री असलेले संदीपान भुमरे यांना शिंदे मंत्रिमंडळात संधी देण्यात आली आहे.

शिंदे गटातील अब्दुल सत्तार यांनाही या मंत्रिमंडळात संधी मिळाली. काँग्रेसमधून शिवसेनेत गेलेल्या सत्तार यांनी यापूर्वी राज्यमंत्री म्हणून केले आहे.