रेश्माम्हशीने एका दिवसात ३३.८ लिटर दुधाचे उत्पादन देऊन राष्ट्रीय विक्रम केलाय. यामुळे देशात सर्वाधिक दुधाचे उत्पादन देणारी म्हैस अशी तिची ओळख निर्माण झाली आहे.

रेश्‍माच्या दुधातील फॅटचे प्रमाण ९.३१ टक्के इतके मिळते.

रेश्माने पहिल्यांदा विल्यानंतर सरासरी २० लिटरपर्यंत दुधाचे उत्पादन दिले होते. दुसऱ्या वेताच्या वेळी हेच दूध उत्पादन वाढून ३० लिटरपर्यंत गेले. तिसऱ्या वेतात रेश्माने ३३.८ लिटर दुधाचे उत्पादन दिले.

जनावरांचे दूध काढताना, धार ७ मिनिटामध्ये पूर्ण करावी लागते. मात्र येथे रेश्मा म्हशीची धार काढताना तिच्या मालकाची कसरत होते.