जिताडा हा एक चविष्ट मासा आहे. हा मासा गंगा, गोदावरी, महानंदा, कृष्णा यांसारख्या नद्यांच्या खोऱ्यात आढळून येतो.

नैसर्गिकरित्या गोड्या पाण्यात आढळणारा हा मासा प्रजननासाठी खाडीलगतच्या पट्ट्यात किंवा समुद्रालगतच्या भागात स्थलांतर करतो.

हा मासा पाण्यातील बदलांबरोबर स्वतःला जुळवून घेतो. या कारणामुळे त्याचे गोड्या व खाऱ्या दोन्ही पाण्यात संवर्धन करता येते.

जिताडा हा प्राणीभक्षक मासा आहे. छोटे प्राणी, कवचधारी मासे हे जिताडाचे प्रमुख अन्न आहे. सुरुवातीच्या अवस्थेत जिताडा नराचे गुणधर्म दाखवितो. कालातंराने त्याचे मादीमध्ये रुपांतर होते.