आहारातील पोषकता वाढवण्यासाठी वनस्पतिजन्य (विशेषतः अळिंबीपासून) प्रथिनांच्या निर्मितीसाठी विविध कंपन्यांनी प्रयत्न सुरू केले आहेत. त्यातून प्रतिवर्ष चार हजार टन इतके उच्च दर्जाचे प्रथिन उत्पादन घेण्याचे नियोजन केले जात आहे. सध्या क्विण्वन प्रक्रियेद्वारे विविध प्रकारची प्रथिने मिळविण्याचा प्रयत्न केला जातो. मात्र त्याला किंचित वेगळी चव लागते. त्यामुळे अशा प्रथिनांना ग्राहकांकडून कमी प्रमाणात मागणी असते. यावर मात करण्यासाठी नैसर्गिकरीत्या मिळवलेल्या अळिंबीपासून स्प्रे ड्राईंग पद्धतीने निर्जलीकरण केलेली भुकटी तयार करण्यात येते. त्यामुळे प्रथिनांचे प्रमाण कोरड्या स्थितीमध्ये ७७ ते ८० टक्के असते. ही अळिंबी वाटाणा किंवा भातातील प्रथिनांवर वाढवलेली असते. वनस्पती आधारित प्रथिने