माशांमध्ये १० ते २० टक्के प्रथिने असतात.१ ते ९ टक्क्यापर्यंत स्निग्ध पदार्थ आणि १ ते ३ टक्क्यापर्यंत पिष्टमय पदार्थ असतात. त्यामुळे मासे एक पौष्टिक आहार बनू शकतो. भारतातील माशांचा दरडोई वापर हा ७ किलो प्रतिवर्ष आहे.

कटला - कटला माशाचे डोके मोठे व रुंद असते. शरीराचा मध्य भाग रुंद व फुगीर असतो. तोंड वरच्या बाजूला वळलेले असते. या माशांना मिशा नसतात. हा मासा पाण्याच्या वरच्या स्तरात वास्तव्य करून तेथील अन्न खातो. त्यामुळे इतर माशांशी अन्नासाठी स्पर्धा करीत नाहीत.

रोहू –या माशाचे शरीर लांब व प्रमाणबद्ध असते. या माशाचे तोंड किंचित खालच्या बाजूला वळलेले असते. खवल्यांचा रंग लाल असतो. एका वर्षात ७०० ते ८०० ग्रम वजन मिळते. हा मासा पाण्याच्या मध्यभागी वास्तव्य करतो.

मृगळ- या माशाचे शरीर अधिक लांब असते. हा मासा पाण्याच्या तळाशी असते. खालच्या भागातील वनस्पती, प्लवंग खाऊन स्वतःचे पालनपोषण करतात. वर्षाला ६५० ते ७०० ग्रम पर्यंत वजन मिळते. हा मासा दुसऱ्या वर्षी प्रजननक्षम होतो.