Nagpur News : चाराटंचाईच्या काळात काटेविरहीत निवडुंगाचा वैरण म्हणून वापर करता येणार आहे, अशा पर्यायावर पशुपालकांनी भर देण्याचे आवाहन महाराष्ट्र पशु व मत्स्य विज्ञान विद्यापीठाचे कुलगुरू डॉ. नितीन पाटील यांनी केले.

माफसूअंतर्गत असलेले केव्हीके दूधबर्डी, सेंटर फॉर पिपल्स कलेक्टिव्ह यांच्या संयुक्‍त सहकार्याने पशुपालक व शास्त्रज्ञ संवाद कार्यक्रमात ते बोलत होते. या वेळी संचालक (शिक्षण), डॉ. शिरीष उपाध्ये, संचालक (संशोधन) डॉ. नितीन कुरकुरे, संचालक (विस्तार) डॉ. अनिल भिकाने, नागपूर पशुवैद्यक महाविद्यालयाचे सहयोगी अधिष्ठाता डॉ. आरजू सोमकुवर, सेंटर फॉर पीपल्स कलेक्टिव्हचे संचालक संजय कुलकर्णी, अजिंक्‍य शहाणे, केव्हीके दूधबर्डीचे वरिष्ठ शास्त्रज्ञ डॉ. सारीपूत लांडगे उपस्थित होते.

सजल कुलगर्णी यांनी मनोगत व्यक्‍त केले. डॉ. अनिल भिकाने यांनी शास्त्रोक्‍त पशुसंगोपन या विषयी माहिती दिली. डॉ. संदीप चौधरी, डॉ शिल्पश्री शिंदे आणि डॉ. शेखर बढे यांनी रेबीज तसेच दुध जागृती अभियानाविषयी सांगीतले. प्रास्ताविक डॉ. सारीपूत

लांडगे यांनी केले. संचालन व आभार डॉ. श्‍वेता लांडे यांनी मानले. या वेळी डॉ. गजानन अंभोरे, डॉ. अतुल ढोक, डॉ. गितांजली ढुमे, प्रवीण बागडे, राजेंद्र सावरकर, मोहन कापसे, मोहन गौतम, गौरी भदोरिया यांची उपस्थिती होती.

...यांचा झाला सन्मान

कार्यक्रमात गौळाऊ पैदासकार संस्थेचे अध्यक्ष पुष्पराज कालोकार, अमरावती जिल्हा गवळी समाजाचे अध्यक्ष श्री. खडके, उमरखेड येथील बंदी भाग विकास समिजतीचे अध्यक्ष बाबुसिंग जाधव, रबारी समाजाचे मशरु रबारी, भरवाड समाजाचे रामजी जोगराणा, एकनाथ गजभिये, विक्‍की बढेल यांनी पशुपालन क्षेत्रात केलेल्या कामाची दलख घेत सन्मान करण्यात आला.