परभणी ः जिल्ह्यतील पाच तालुक्यांतील ३२ गावांतील ९८ जनावरांना लम्पी स्कीन (Lumpy Skin) आजाराचा प्रादुर्भाव झाला. या आजारातून ८८ जनावरे बरी झाली आहेत. मानवत तालुक्यात (Manvat Village Lumpy) १ बैलाचा मृत्यू झाला. सध्या ९ जनावरांवर उपचार सुरू आहेत.

परभणी जिल्ह्यात गायींची संख्या १ लाख ३७ हजार १५०, बैलांची संख्या १ लाख ६२ हजार ७११ आणि म्हशींची संख्या ९८ हजार ४९५ आहे. लम्पी स्कीन आजाराचा प्रादुर्भाव जिल्ह्यातील ८४९ पैकी ३२ गावांतील जनावरांना झाला आहे.

बाधीत गावांपासून ५ किलोमीटर परिघातील १५६ गावांतील जनावरांची एकूण संख्या ८१ हजार ६२२ आहे. त्यात २७ हजार १९ गायी आणि ३० हजार ६८६ बैल आहेत. या आजाराचा प्रसार टाळण्यासाठी एकूण ७७ हजार ९२४ गोवर्गीय जनावरांचे तत्काळ लसीकरण करण्यात येत आहे. त्यात ३६ हजार ७ गाई आणि ४१ हजार ९१७ बैलांचा समावेश आहे.