कोल्हापूर : कोल्‍हापूर जिल्‍हा सहकारी दूध उत्‍पादक संघ (गोकुळ) (Gokul) संघाशी संलग्न दूध उत्पादक शेतकऱ्यांना दिवाळीपूर्वी म्हैस आणि गाय दूध खरेदीदरामध्‍ये (Milk Buying) वाढ करण्यात आली. २१ ऑक्टोबर २०२२ पासून ही दरवाढ लागू होईल.

म्हैस दुधासाठी प्रतिलिटर दोन रुपये वाढ केलेली आहे. तर गाय दुधासाठी प्रतिलिटर तीन रुपये वाढ केलेली आहे. ही माहिती गोकुळचे अध्यक्ष विश्वास पाटील यांनी दिली.

गोकुळच्या संचालक मंडळाच्या बैठकीत दूध खरेदी दरवाढीचा निर्णय झाला. २१ ऑक्टोबरपासून म्हैस दूध खरेदीदर ६.० फॅट व ९.० एस.एन.एफ. दुधास प्रतिलिटर ४७.५० रुपये, तर गायीच्या ३.५ फॅट व ८.५ एस.एन.एफ. प्रतीच्या दुधास प्रतिलिटर ३५ रुपये असा दर राहणार आहे.