आवळा लागवड सात x सात मीटर अंतरावर करावी. लागवड करताना योग्य अंतरावर ६० सेंमी x ६० सेंमी x ६० सेंमी आकाराचे खड्डे खणावेत. चांगली माती आणि दोन घमेली शेणखत आणि एक किलो सिंगल सुपर फॉस्फेट या मिश्रणाने भरून ठेवावेत. जून महिन्यात जातिवंत कलमांची लागवड करावी. लागवड करताना एकाच जातीची कलमे न लावता दोन ते तीन जातींची लावावीत म्हणजे फळधारणा वाढून चांगले उत्पादन मिळते. लागवडीसाठी कांचन, कृष्णा, नीलम, चकैया या जाती निवडाव्यात. चिकू लागवडीसाठी उत्तम निचऱ्याची, खोल व काळी जमीन निवडावी. लागवडीसाठी कालीपत्ती, क्रिकेटबॉल या जातींची निवड करावी. लागवडीसाठी १० मीटर बाय १० मीटर अंतरावर १ मीटर बाय१ मीटर बाय १ मीटर आकाराचे खड्डे करावेत. या खड्यात दोन किलो सिंगल सुपर फॉस्फेट, चार घमेली शेणखत आणि पोयटा मातीच्या मिश्रणाने खड्डा भरावा. लागवडीसाठी खिरणीच्या खुंटावर केलेली कलमांची निवड करावी. चुनखडीयुक्त जमिनीत लागवड करू नये.

-  संपर्क : ०२४२६ - २४३८६१  कृषी तंत्रज्ञान माहिती केंद्र, महात्मा फुले कृषी विद्यापीठ, राहुरी