Jalna News : मराठवाड्यातील छत्रपती संभाजीनगर, जालना व बीड या तीन जिल्ह्यांत बहुतांश भागात शुक्रवारी (ता. २५) सकाळपर्यंतच्या २४ तासात तुरळक, हलका, मध्यम, पाऊस झाला. जालना जिल्ह्यात पावसाचा जोर थोडा अधिक होता. या जिल्ह्यातील दोन मंडलांत अतिवृष्टी झाली.

छत्रपती संभाजीनगर जालना व बीड या तीन जिल्ह्यात गत दोन-तीन दिवसांपासून आकाशात ढगांची गर्दी काही ठिकाणी अधून मधून रिमझिम पाऊस होतो. शुक्रवारी सकाळपर्यंतच्या २४ तासात जालना जिल्ह्यातील विरेगाव मंडलात ६९ मिलिमिटर तर जालना ग्रामीण मंडलात ७४.८ मिलिमीटर इतकी अतिवृष्टी झाली. जालना जिल्ह्यातील जालना, जाफराबाद, भोकरदन, मंठा, बदनापूर तालुक्यात पावसाचा जोर अधिक होता.

छत्रपती संभाजीनगर जिल्ह्यातील कन्नड, सिल्लोड, सोयगाव, फुलंब्री या तालुक्यात पावसाचा जोर जिल्ह्यातील इतर तालुक्याच्या तुलने जास्त होता. बीड जिल्ह्यातील वडवणी तालुका पावसाला अपवाद होता इतर तालुक्यात काही अपवाद वगळता बहुतांश मंडलांत पावसाची हजेरी तुरळक, हलक्या स्वरूपाची होती.

छत्रपती संभाजीनगर जिल्ह्यातील छत्रपती संभाजीनगर तालुक्यात सरासरी ६ मिलिमीटर, पैठण २.९, गंगापूर ४.२, वैजापूर २.२, कन्नड १९.१, खुलताबाद ४.६, सिल्लोड १९.५, सोयगाव १४.२, फुलंब्री १६.४ मिलिमीटर पाऊस झाला.

जालना जिल्ह्यातील भोकरदन तालुक्यात सरासरी १६.३ मिलिमीटर, जाफराबादमध्ये २७.७, जालन्यात ४१.९, अंबडमध्ये ३, परतुरमध्ये २.८, बदनापूरमध्ये १२.६, घनसावंगीमध्ये २.२ तर मंठा तालुक्यात २४.४ मिलिमीटर पाऊस झाला. बीड जिल्ह्यातील बीड तालुक्यात सरासरी १.५ मिलीमीटर, पाटोदा १.३, आष्टी ०.२, गेवराई ०.७, माजलगाव १०, अंबाजोगाई १.९, केज २.३, परळी २.७, धारूर १.४, शिरूर १.७ मिलिमीटर पाऊस झाला. वडवणी तालुक्यात पाऊस झाला नाही.

मंडलनिहाय पाऊस (मिलिमीटरमध्ये)

जालना जिल्हा

भोकरदन २२.३, सिपोरा ३५, धावडा १३.५, अन्वा १०.५, हसनाबाद १६.५, राजूर १०.५, जाफराबाद २८, माहोरा ३५, कुंभारझरी ३१.५, टेंभुर्णी २८, वरुड बुद्रुक १५.८, वाघरुळ ४५.८, नेर ३६, शेवली १६.५, रामनगर ४२.५, पाचन वडगाव ४२.५, दाभाडी १६.५,बावणे पांगरी २४.८, तळणी १५.५, डोकसाळ २४.८, पांगरी गोसावी ५०.३.

छत्रपती संभाजीनगर

भावसिंगपुरा ११.५, सिद्धनाथ वडगाव १२.३, गाजगाव १२.३, कन्नड ३१, चापानेर ३१, चिकलठाणा ३१, पिशोर ११.८, नाचनवेल १९, चिंचोली लिंबाजी १३,करंजखेड १३, नागद १४.५. सिल्लोड ३६.८,निल्लोड १७, गोळेगाव १५, आमठाणा २७.८, बोरगाव २७.८, अंभई २०, पालोद ११.५, शिवना १३.५, बनोटी २२.३, जरंडी १८.३, फुलंब्री १६.५, आळंद १३.५, पिरबावडा १९.५, वडोद बाजार ११.५, बाबरा २१.

बीड

माजलगाव १२.५, कीट्टी आडगाव २३.८.