अॅग्रोवन
Hingoli News : हिंगोली ः हिंगोली बाजार समिती अंतर्गत धान्य बाजारात बुधवारी (ता. १४) तुरीची ३३० क्विंटल आवक झाली. तुरीला प्रतिक्विंटल किमान ८९०० ते कमाल ९८०० रुपये तर सरासरी ९३५० रुपये दर मिळाले. गेल्या दोन दिवसांपासून तुरीचे किमान दर नऊ हजार रुपयांखाली गेले आहेत.

मंगळवार (ता. ७) ते बुधवार (ता.१४) या कालावधीत तुरीची ३६६१ क्विंटल आवक झाली. तुरीला सरासरी ९९७५ ते १०००० रुपये दर मिळाले. मंगळवारी (ता.१३) तुरीची ७१५ क्विंटल आवक होऊन प्रतिक्विंटल किमान ८९०० ते कमाल १००५० रुपये तर सरासरी ९४७५ रुपये दर मिळाले. सोमवारी (ता. १२) तुरीची ८०० क्विंटल आवक होऊन प्रतिक्विंटल किमान ९३०० ते कमाल १०४०० रुपये तर सरासरी ९८९० रुपये दर मिळाले.

शनिवारी (ता.१०) तुरीची ६५० क्विंटल आवक होऊन प्रतिक्विंटल किमान ९५०० ते कमाल १०५०० रुपये तर सरासरी १०००० रुपये दर मिळाले. गुरुवारी (ता. ८) तुरीची ५०५ क्विंटल आवक होऊन प्रतिक्विंटल किमान ९६०० ते कमाल १०३०० रुपये तर सरासरी ९९५० रुपये दर मिळाले.