Kharif Season Agrowon
ॲग्रो विशेष

Kharif Season : खरीप हंगामात सोयाबीन लागवडीकडे कल

Cotton Crop : पुढील महिन्यात सुरु होत असलेल्या खरीप हंगामासाठी कृषी विभागाने नियोजन केले आहे. यामध्ये सोयाबीनसह कापूस पिकाचे क्षेत्र वाढीची शक्यता अपेक्षित धरली आहे.

Anil Jadhao 

Kharif Season In Akola : पुढील महिन्यात सुरु होत असलेल्या खरीप हंगामासाठी कृषी विभागाने नियोजन केले आहे. यामध्ये सोयाबीनसह कापूस पिकाचे क्षेत्र वाढीची शक्यता अपेक्षित धरली आहे. शेतकऱ्यांना बी-बियाणे, खते व इतर कृषी निविष्ठा मिळण्यासाठी कृषी विभागाने तयारी चालवली आहे.

येत्या खरीप हंगामात जिल्ह्यात ४ लाख ८० हजार हेक्टरवर पेरणीचे नियोजन करण्यात आले आहे. यात सर्वाधिक २ लाख ३३ हजार हेक्टरवर सोयाबीन लागवडीचा अंदाज आहे.

सात जूनपासून मृग नक्षत्राला प्रारंभ होत असतो. मुबलक पाऊस झाल्यानंतर शेतकरी जमिनीतील ओलीचा अंदाज घेत पेरणीला प्रारंभ करीत असतात.

यावर्षी हवामान खात्याने चांगल्या पावसाचे संकेत दिले आहेत. त्यानुसार शेतकरी लवकरच बी-बियाणे, खताच्या तयारीला लागणार आहे. यासाठी कृषी विभागाने नियोजन करून ठेवले आहे. जिल्ह्यात २ लाख ३३ हजार हेक्टरवर सोयाबीनची लागवड अपेक्षित धरली जात आहे.

यासाठी लागणाऱ्या बियाण्यात महाबीज १५ हजार क्विंटलचा पुरवठा करणार आहे. तसेच राष्ट्रीय बीज निगम एक हजार क्विंटल, कृभको ५०० क्विंटल तर कंपन्यांचे ४४ हजार ६६३ क्विंटल अशा एकूण ६१ हजार १६३ क्विंटल बियाण्यांची मागणी कृषी विभागाने केली आहे.

कपाशीची लागवड सुद्धा गत वर्षीच्या तुलनेत अधिक होण्याची शक्यता असून कपाशीची पेरणी १ लाख ६० हजार हेक्टरपर्यंत जाण्याचा अंदाज आहे. त्यासाठी खासगी कंपन्यांकडे बियाण्यांची मागणी नोंदवण्यात आली आहे.

७० हजार क्विंटल बियाणे मागणी...

खरीप हंगामासाठी सोयाबीनचे ६१ हजार १६३, तूर ३ हजार ४५, मूग ३८०, उडीद ४२०, संकरित ज्वारी ३००, मका ३८, बाजरा ५ तर तिळाचे १.२ क्विंटल, संकरित कपाशी ४ हजार क्विंटल बियाणे बाजारात उपलब्ध करून देण्यात येणार आहेत. त्यासाठीची मागणी जिल्हा परिषदेच्या कृषी विभागाने नोंदविल्याची माहिती प्रशासनातर्फे देण्यात आली.

यंदा सोयाबीनचे क्षेत्र वाढणार असल्याचा अंदाज आहे. त्यामुळे बाजारातील कंपन्यांच्या बियाण्यांव्यतिरिक्त शेतकऱ्यांनी घरचे बियाणे वापरावे, असा सल्ला कृषी विभागाने शेतकऱ्यांना दिला आहे. खरीप हंगामात शेतकरी दोन लाख ९२ हजार ८६५ क्विंटल घरचे बियाणे वापरतील, असा अंदाज कृषी विभागाने व्यक्त केला आहे.

असे राहील खरीप क्षेत्र

पीक - क्षेत्र (हेक्टर)

सोयबीन - २ लाख ३३ हजार

संकरित कापूस - १ लाख ६० हजार

तूर - ५८ हजार

मूग - १४ हजार ४००

उडीद - १० हजार

ज्वारी - ४ हजार

मका - २५०

बाजरी - २००

तीळ - १००

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT