Nashik News : बागलाण तालुक्यातील केरसाणेसह मुंगसे, पिंगळवाडे परिसरात विहिरीच्या पाण्याची पातळी खालावली आहे. त्यामुळे अधिक पाण्यासाठी आणि कांदा वाचवण्यासाठी शेतकऱ्यांकडून विहीर खोदकामावर भर देत आहेत.

यामुळे ऐनवेळी विहीर खोदकामासाठी लागणाऱ्या क्रेन मशिनची शोधाशोध करावी लागत आहे. गतवर्षी पावसाळा जेमतेम झाल्याने ऐन उन्हाळ्यात व कांदा मोसमात असताना पाणी कमी पडल्याने शेतकरी चिंताग्रस्त झाला आहे.

काही शेतकरी विहिरीत साचलेला गाळ काढण्याचे काम व आडवा बोर करून पाण्याची पातळी शोधत आहेत. ऐन मोसमात पाणी कमी झाल्याने शेतकरी काळजी पडला आहे.

असे आहेत विहीर खोदकामाचे दर (एका फुटासाठी)

गाळ काढणे २७०० ते ३ हजार रुपये

दगड काम ७ ते ८ हजार रुपये

नवीन विहीर १०० फुटांपर्यंत सहा ते साडेसहा लाख