Amravati News : हस्तलिखित नोंदी आता बंद झाल्या आहेत. ई-पीक पाहणीद्वारे ऑनलाइन पीकपेरा नोंदवावा लागतो. जिल्ह्यात या उपक्रमाला व्यापक प्रतिसाद मिळत १५ मार्च या अखेरच्या तारखेपर्यंत रब्बी हंगामात ९३ टक्‍के म्हणजे १.१२ लाख शेतकऱ्यांनी ही प्रक्रिया पार पाडली.

पीकपेऱ्या संदर्भात हस्तलिखित नोंदीमध्ये गैरप्रकार होण्याची शक्‍यता होती. त्या पार्श्‍वभूमीवर शासनाने ऑनलाइन नोंदीला प्रोत्साहन देण्याचा निर्णय घेत ई-पीक पाहणीवर भर दिला. यामध्ये शेतकऱ्यांना ॲपच्या माध्यमातून स्वतःच नोंदणी करावी लागते.

रब्बी हंगामासाठी १५ फेब्रुवारीर्पंत ९३१८२ शेतकऱ्यांनी ई-पीक पाहणी केली होती. त्यानंतर राहिलेल्या पीकपेऱ्याच्या नोंदी तलाठ्यांद्वारे घेण्यात येत आहेत. याद्वारे १८,०००६ खातेदारांचा पीकपेरा नोंदविण्यात आला. उर्वरित नोंदीकरिता शासनाकडून १५ मार्चपर्यंतची डेडलाइन निश्‍चित करण्यात आली होती.

या मुदतीत ९३२०४ खातेदारांनी व १८९५१ खातेदारांची तलाठीस्तरावर पीकपेरा नोंदविण्यात आला असल्याचे प्रशासनाकडून सांगण्यात आले.

तालुकानिहाय नोंदणी (खातेदार)

धारणी ४०९३

मोर्शी १२११३

अचलपूर १४२९७

तिवसा ५१९३

वरुड २३३४९

चांदूरबाजार १२९६३

भातकुली २९२४

अंजनगावसूर्जी ७०५५

अमरावती ४०७९

चांदूररेल्वे ४९४९

चिखलदरा ३९९१९

दर्यापूर ४०७२

नांदगाव खंडेश्‍वर ६४११

धामणगावरेल्वे ६७३८