Nanded News: आंबिया बहार हंगाम २०२४-२५ अंतर्गत राबविण्यात आलेल्या पुनर्रचित हवामान आधारित फळपिक विमा योजनेत बारड मंडळातील ३३९ केळी विमाधारक शेतकऱ्यांना कंपनीने कमी तापमान आणि उच्च तापमान या दोन्ही हवामान ट्रिगरमध्ये विमा नाकारला होता. याबाबत जिल्हाधिकारी राहुल कर्डिले यांनी जिल्हास्तरीय तक्रार निवारण समितीच्या बैठकीत दिलेल्या आदेशानुसार कमी तापमान आणि उच्च तापमान या दोन्ही हवामान ट्रिगर बारड मंडळात लागू झाले आहेत. त्यामुळे प्रति हेक्टर ७४ हजार ६७९ रुपये दराने एकूण एक कोटी ७६ लाख ८९ हजार ९६२ रुपयांचा विमा परतावा मंजूर झाला आहे. .जिल्ह्यातील विविध मंडळांतील फळपिकांचे नुकसान हवामानातील बदलामुळे झाले होते. या पार्श्वभूमीवर हवामानाच्या निकषांनुसार नुकसान भरपाई देण्याची प्रक्रिया सुरू करण्यात आली आहे. यामध्ये मुदखेड तालुक्यातील बारड महसूल मंडळातील केळी (टिश्यू कल्चर) पिकासाठी विमा उतरवलेल्या ३३९ शेतकऱ्यांना विमा कंपनीने परतावा नाकारला होता. याबाबत जिल्हाधिकारी राहुल कर्डिले अध्यक्ष असलेल्या जिल्हास्तरीय तक्रार निवारण समितीच्या आदेशानुसार कमी तापमान आणि उच्च तापमान या दोन्ही हवामान ट्रिगर लागू झाले आहेत. .Banana Crop Insurance: केळी उत्पादकांना ११ कोटींची विमा भरपाई मंजूर.त्यामुळे प्रति हेक्टर ७४ हजार ६७९ रुपये दराने एकूण एक कोटी ७६ लाख ८९ हजार ९६२ रुपयांची नुकसान भरपाई मंजूर करण्यात आली आहे. ही रक्कम विमा कंपनीमार्फत लवकरच संबंधित शेतकऱ्यांच्या बँक खात्यात जमा करण्यात येणार असल्याची माहिती कृषी विभागाकडून देण्यात आली आहे. दरम्यान, जिल्ह्यातील विविध तालुक्यांतील केळी, आंबा, पपई, मोसंबी आदी फळपिकांचे नुकसान झालेल्या शेतकऱ्यांना या योजनेचा लाभ मिळाला आहे. उर्वरित पात्र शेतकऱ्यांना देखील टप्प्याटप्प्याने नुकसान भरपाई वितरित केली जाणार आहे. कृषी विभागाने शेतकऱ्यांना विमा योजना, हवामान ट्रिगर आणि नुकसान भरपाई संदर्भातील माहिती वेळोवेळी तपासून घेण्याचे आवाहन केले आहे..Banana Crop Insurance Fraud: केळी विम्यातील गैरप्रकार उघड.आतापर्यंत ३ कोटी ६४ लाख परतावा जमाआंबिया बहार हंगाम २०२४-२५ अंतर्गत राबविण्यात आलेल्या पुनर्रचित हवामान आधारित फळपिक विमा योजनेत जिल्ह्यातील नुकसानग्रस्त फळपिक विमाधारक शेतकर्यांना नुकसान भरपाई मंजूर करण्यात आली आहे. या योजनेअंतर्गत एकूण १२३६ शेतकऱ्यांना नुकसान भरपाई मंजूर झाली आहे..योजनेचा आढावा (जिल्हा स्तर)एकूण विमाधारक शेतकरी : १३०५नुकसान भरपाई मंजूर : १२३६ शेतकरीआतापर्यंत लाभ घेतलेले : ८९७ शेतकरीवितरित रक्कम : तीन कोटी ६४ लाख ७४ हजारबारड मंडळ (मुदखेड) : शेतकरी ३३९, विमा मंजूर एक कोटी ७६ लाख ८९ हजार ९६२ रुपये.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
