Pune News : पुण्याच्या जिल्हाधिकारी पदावर डॉ. सुहास दिवसे यांची नियुक्ती करण्यात आली. तर, दिवसे यांच्या बदलीने रिक्त झालेल्या क्रीडा आयुक्तपदी डॉ. राजेश देशमुख यांची नियुक्ती करण्यात आली आहे. राज्य शासनाने बुधवारी (ता.७) सायंकाळी आदेश काढले. यानंतर गुरुवारी (ता.८) डॉ. राजेश देशमुख यांच्याकडून दिवसे यांनी पदभार स्वीकारला.

पुण्याच्या जिल्हाधिकारी पदावर डॉ. सुहास दिवसे यांची नियुक्ती करण्यात आली. तर, दिवसे यांच्या बदलीने रिक्त झालेल्या क्रीडा आयुक्तपदी डॉ. राजेश देशमुख यांची नियुक्ती करण्यात आली आहे. राज्य शासनाने बुधवारी (ता.७) सायंकाळी आदेश काढले. यानंतर गुरुवारी (ता.८) डॉ. राजेश देशमुख यांच्याकडून दिवसे यांनी पदभार स्वीकारला.

डॉ. देशमुख यांनी जिल्हाधिकारी पदाच्या तीन वर्षांच्या कार्यकाळात अनेक महत्त्वपूर्ण प्रकल्पांना चालना दिली. पुणे आणि पिंपरी-चिंचवड शहरातील वाहतूक कोंडी फोडण्यासाठी राज्य सरकारने हाती घेतलेल्या रिंगरोडच्या भूसंपादनात त्यांनी मोलाचा वाटा उचलला.

कोरोनाच्या दुसऱ्या लाटेत त्यांनी महत्त्वाची कामगिरी बजाविली. पुणे-मुंबई महामार्गावरील चांदणी चौकातील वाहतूक कोंडी फोडण्यासाठी रस्ता रुंदीकरण आणि उड्डाणपूल उभारण्याच्या कामात त्यांची मोलाचे योगदान दिले.

डॉ. दिवसे यांनी राज्य सरकारच्या आपत्ती व्यवस्थापन विभागाचे संचालक म्हणून काम केले. तर त्या विभागाचा आकृतिबंध आणि नियम तयार केले. त्यानंतर पीएमआरडीए आयुक्त व कृषी आयुक्त या पदावरही काम केले आहे. सध्या ते क्रीडा आयुक्त पदाचा कारभार पाहत होते.