Parbhani News : परभणी -हिंगोली जिल्हयात यावर्षीच्या (२०२४) उन्हाळी हंगामात शुक्रवार (ता. २९) पर्यंत कडधान्यांची ४३८ हेक्टरवर पेरणी झाली आहे. त्यात उन्हाळी मुगाची पेरणी २९५ हेक्टर व उन्हाळी उडदाच्या १४३ पेरणीचा समावेश आहे. परभणी जिल्ह्यात उन्हाळी हंगामातील पीकांचे सरासरी १० हजार ९५८ हेक्टर आहे.शुक्रवार (ता. २९) पर्यंत ४ हजार ९६७ हेक्टरवर (४५.३३ टक्के) पेरणी झाली आहे.

कडधान्यांची ४९.०७ पैकी ५ हेक्टर (१०.१९ टक्के) पेरणी झाली आहे. त्यात मुगाची ३२.४ पैकी ४ हेक्टर (१२.३५ टक्के) पेरणी झाली आहे. तृणधान्यांची १ हजार ४२७ पैकी ६७२ हेक्टर (४७.०८ टक्के) पेरणी झाली.

त्यात मक्याची १ हजार ३७७ पैकी ४७९ हेक्टर (३४.७९ टक्के),ज्वारीची ५९.५ हेक्टर, बाजरीची ५०.२७ पैकी १३३ हेक्टर पेरणी झाली आहे. गळित धान्यांची ९ हजार ४८२ पैकी ४ हजार २९१ हेक्टरवर (४५.२६ टक्के) पेरणी झाली. त्यात भुईमुगाची ६ हजार ७९६ पैकी ३ हजार १३६ हेक्टर (४६.१५ टक्के), सोयाबीनची २ हजार ६६२ पैकी १ हजार १४९ हेक्टर (४३.१५टक्के), तिळाची ११.२४ पैकी २ हेक्टर (१७.७९ टक्के) तर सुर्यफुलाची ४ हेक्टर (११.२४ टक्के पेरणी झाली आहे.

हिंगोली जिल्ह्यात उन्हाळी पिकांचे सरासरी क्षेत्र २६ हजार ३४८ हेक्टर आहे. शुक्रवार (ता.२३) पर्यंत ११ हजार ६७४ हेक्टरवर (४४.३० टक्के) पेरणी झाली आहे. कडधान्यांची ५ हजार ५३० पैकी ४३४ हेक्टर (७.८५ टक्के) पेरणी झाली. त्यात मुगाची १ हजार ९१२ पैकी २९१ हेक्टर (१५.२१ टक्के), उडदाची ३ हजार ५४८ पैकी १४३ हेक्टर (४.०३ टक्के) पेरणी झाली.

तृणधान्यांची ५ हजार ९६२ पैकी ५३९ हेक्टरवर (४.३९ टक्के) पेरणी झाली. त्यात ज्वारीची १ हजार ९५ पैकी २८२ हेक्टर (२५.७५ टक्के), मक्याची १ हजार २ पैकी २५७ हेक्टर (२५.६२ टक्के) पेरणी झाली आहे. गळीत धान्यांची १४ हजार ८५६ पैकी १० हजार ७०० हेक्टरवर (७२.७३ टक्के) पेरणी झाली. उन्हाळी भुईमुगाचे सरासरी क्षेत्र ६ हजार ४६३.९९ असतांना ९ हजार ९३२.८२ हेक्टर (१५३.६६टक्के) पेरणी झाली. सोयाबीनची ८ हजार ३९२ पैकी ७६८ हेक्टर (९.१५ टक्के) पेरणी झाली आहे.