Parbhani News : परभणी व हिंगोली जिल्ह्यांत यंदाच्या (२०२४) रब्बी हंगामात शुक्रवार (ता. ८)पर्यंत १ लाख ६१ हजार ८२९ हेक्टरवर पेरणी झाली आहे. त्यात परभणी जिल्ह्यातील ९८ हजार ६६५ हेक्टर (३६.४४ टक्के) आणि हिंगोली जिल्ह्यातील ६३ हजार १६४ हेक्टर (३५.७१ टक्के) पेरणी क्षेत्राचा समावेश आहे.

या दोन जिल्ह्यांत मिळून आजवर १ लाख ९ हजार २३२ हेक्टरवर हरभऱ्याचा पेरा झाला आहे, अशी माहिती कृषी विभागाच्या सूत्रांनी दिली. परभणी जिल्ह्यात शुक्रवार (ता. ८)पर्यंत २ लाख ७० हजार ७९४ पैकी ९८ हजार ६६५ हेक्टरवर (३६.४४टक्के) पेरणी झाली आहे.

त्यात हरभऱ्याची १ लाख १२ हजार १७० पैकी ५५ हजार ९६३ हेक्टर (४९.८९ टक्के) पेरणी झाली. ज्वारीची १ लाख १३ हजार ८९ पैकी ३९ हजार ३१० हेक्टर (३४.७६ टक्के), गव्हाची ३९ हजार ३०८ पैकी २ हजार ५२४ हेक्टर (६.४२ टक्के), मक्याची २ हजार ८६ पैकी १६२ हेक्टर (७.७६ टक्के) पेरणी झाली.

करडईची ३ हजार ३७१ पैकी ६०३ हेक्टर (१७.८८ टक्के), जवसाची ११९ पैकी २४ हेक्टर (२०.१७ टक्के), तिळाची ३३.६४ पैकी ९ हेक्टर (२६.७५ टक्के) पेरणी झाली आहे. हिंगोली जिल्ह्यात १ लाख ७६ हजार ८९१ पैकी ६३ हजार १६४ हेक्टरवर (३५.७१ टक्के) पेरणी झाली आहे.

त्यात हरभऱ्याची १ लाख २० हजार १४७ पैकी ५३ हजार २६९ हेक्टर (४४.३४ टक्के) पेरणी झाली. ज्वारीची ११ हजार ६९७ पैकी ५ हजार ४४२ हेक्टर (४६.५२ टक्के), गव्हाची ४२ हजार ५०५ पैकी ४ हजार २७० हेक्टर (१०.०५ टक्के), मक्याची ९७१ पैकी १०३ हेक्टर (१०.६१ टक्के) पेरणी झाली. करडईची २०५ पैकी ८० हेक्टर (३८.९० टक्के) पेरणी झाली. वसमत तालुक्यातील रब्बी पेरणीची आकडेवारी अप्राप्त असल्याचे कृषी विभागाच्या सूत्रांनी सांगितले.