Solapur News : राज्य सरकारच्या मोदी आवास योजनेअंतर्गत जिल्ह्यातील १० हजार २९३ ओबीसी, तर विशेष मागास प्रवर्गातील ७२६ लाभार्थींच्या घरकुलांना सोलापूर जिल्हा परिषदेने मंजुरी दिली आहे.

साधारण, जानेवारीअखेरीस सर्व लाभार्थींना बांधकामासाठी १५ हजारांचा पहिला हप्ता मिळणार आहे. दोन महिन्यांत उद्दिष्टानुसार १०० टक्के लाभार्थींना मंजुरी देणारी सोलापूर जिल्हा परिषद राज्यात अव्वल ठरली आहे.

ओबीसी लाभार्थींना घरकूल बांधणीसाठी पहिला हप्ता १५ हजार रुपयांचा, दुसरा हप्ता ४५ हजार रुपये, तर तिसरा हप्ता ४० हजार आणि शेवटचा हप्ता २० हजार रुपये, असे एकूण एक लाख २० हजार रुपयांचे अनुदान मिळेल. तसेच ‘मनरेगा’तून मजुरीपोटी २३ हजार २८० रुपये आणि स्वच्छ भारत मिशन अभियान अंतर्गत शौचालयासाठी १२ हजार रुपयेदेखील दिले जातील.

ज्या लाभार्थींना घरकूल बांधणीसाठी स्वत:ची जागा नाही अशांना आता एक लाख रुपयांचे अनुदान मिळेल. तत्पूर्वी, मोदी आवास योजनेतून पुढील दोन वर्षांत आणखी २४ हजार लाभार्थींना घरकूल मिळेल. या योजनेच्या लाभार्थींकडे जात प्रमाणपत्र बंधनकारक आहे. पहिल्या वर्षीचे उद्दिष्ट विलंबाने प्राप्त झाले होते, तरीदेखील जिल्हा परिषदेने अवघ्या दोनच महिन्यांत १०० टक्के लाभार्थींचे प्रस्ताव मागवून त्यांना मंजुरी दिली आहे.

तालुकानिहाय लाभार्थी

सांगोला- १३९१, पंढरपूर- १३३५, माळशिरस- १२५४, मंगळवेढा-११९८, करमाळा- १०६९, दक्षिण सोलापूर -१०५९, मोहोळ- १०५३, माढा- ८८२, बार्शी- ७३९, अक्कलकोट- ६०२, उत्तर सोलापूर- ४३७ - एकूण ११,०१९.

नाशिक विभागाचा तपशिल खालीलप्रमाणे

जिल्हा सहकारी संघ मल्टीस्टेट खासगी दूध प्रकल्प एकूण
अहमदनगर १० १ ५३ ६४
नाशिक १ १ ७ ८
धुळे/नंदूरबार ३ ० ० ३
जळगाव १ ० १ २
एकूण १५ १ ६१ ७७