Farmer Loss: लातूर आणि धाराशिव जिल्ह्यांत मंगळवारी (ता. १७) सायंकाळी वादळी वाऱ्यासह पाऊस आणि गारपिटीने शेतकऱ्यांचे नुकसान झाले. काढणीला आलेल्या रब्बी पिकांना या पावसाचा मोठा फटका बसला असून, फळबागांचेही नुकसान झाले. .लातूर जिल्ह्यातील देवणी, उदगीर तालुक्यांत गारपीट, तर निलंगा तालुक्यातील अनेक भागात जोरदार पाऊस झाला. काढणीला आलेल्या गहू, ज्वारी, हरभरा पिकांसह फळांना फटका बसला. धाराशिव जिल्ह्यातील लोहारा, उमरगा व तुळजापूर तालुक्यांतही गारपीट व अवकाळी पाऊस झाला. लातूर शहरात गारांचा सडा पडला होता..Unseasonal Rain Damage: राज्याला गारपीट, अवकाळीचा तडाखा, गहू, हरभरा, ज्वारी पिकांचे नुकसान, शेतकरी चिंतेत.लातूर जिल्ह्यात सायंकाळपासून ढगाळ वातावरण तयार झाले होते. त्यातच वादळी वाऱ्यामुळे धुळीचे लोट निर्माण झाले. सायंकाळी साडेसहा ते साडेसातच्या दरम्यान मेघगर्जनेसह वादळी पावसाला सुरुवात झाली. शहरात अनेक ठिकाणी गारांचा सडा पाहायला मिळाला. पाऊस, वादळी वाऱ्यामुळे शहरातील अनेक भागांतील वीजपुरवठा काही काळ खंडित झाला होता..देवणी, उदगीर तालुक्यातही तासभर अवकाळी पावसासह गारपीट झाली. मसलगा, गौर आनंदवाडी (ता. निलंगा) येथेही वादळी वाऱ्यासह पाऊस झाला. पानचिंचोली (निलंगा) भागात विजांच्या कडकडाटासह पाऊस झाला. अहमदपूर तालुक्यातील काही गावांनाही पावसाने झोडपले..धाराशिव जिल्ह्यात नुकसानधाराशीव जिल्ह्यातील लोहारा शहरासह तालुक्यातील अनेक भागांत जोरदार वादळी वाऱ्यासह गारपीट झाली. काढणीला आलेल्या ज्वारी, हरभरा, गव्हासह आंबा व द्राक्ष बागांना फटका बसला. तालुक्यातील आष्टाकासार, भोसगा, दस्तापूर या भागांत गारपीट झाली. लोहारा शहरासह मार्डी, बेंडकाळ, .Unseasonal Rain Damage : गारपीट अवकाळीचा पिकांना तडाखा; विदर्भ, मराठवाड्यात पिकांचे नुकसान; बळीराजा संकटात.लोहारा खुर्द, मोघा, नागराळ, कास्ती, नागूर या भागांत सुमारे अर्धा तास गारांचा पाऊस कोसळला. मोठ्या आकाराच्या गारांमुळे काही शेतातील पिके जमीनदोस्त झाली. गारपिटीमुळे ज्वारी काळी पडून नुकसान होण्याची भीती व्यक्त होत आहे. उमरगा तालुक्यातील कदेर, नाईचाकूर, जकेकूर, तुरोरी, गुंजोटी, नारंगवाडी, बलसूर, दाळिंब तसेच तुळजापूर तालुक्यातील जळकोट परिसरात गारपीट व पाऊस झाला. लोहाल तालुक्यातील माकणीसह परिसरात पाऊस झाला. तर काही ठिकाणी गाराही पडल्याने शेतकऱ्यांची तारांबळ उडाली..देवणी, निलंगा, उदगीर तालुक्यांत पिकांना फटकालातूर जिल्ह्यातील देवणी, निलंगा व उदगीर तालुक्यात अवकाळी पावसाने हजेरी लावली. अनेक भागात गाराही पडल्या. त्यामुळे आंब्यासह हरभरा, गहू, करडई, भाजीपाला, फुलशेती आदी पिकाला फटका बसला आहे. निलंगा तालुक्यातील मदनसुरी, पानचिंचोली, मसलगा गौर आनंदवाडी या भागातही पाऊस पडला. .उदगीर तालुक्यातील दावणगावला गारपिटीमुळे ग्रामस्थांची तारांबळ उडाली. देवणी, अहमदपूरला गारांसह पाऊस पडला. येरोळला पावसाने हजेरी लावली. देवणीमध्ये सलग दुसऱ्या दिवशीही गाराचा पाऊस झाला. तालुक्यातील वलांडी, दवणहिप्परगा, आचवला भागात गारपीट झाली. निलंगा तालुक्यातील सरवडी, मदनसुरी, रामतीर्थ, हाडोळीसह परिसरात मंगळवारी दुपारनंतर अचानक अवकाळी पावसासह गारपीट झाली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
