Tamarind Agrowon
ॲग्रो विशेष

नगरला चिंचेच्या दरात काहीशी घसरण

गेल्या आठ दिवसांपासून आवकही कमी झाली आहे. सध्या ७०० ते ८०० क्विंटलपर्यंत आवक होत आहे. दरही आठ हजारांच्या आत आला आहे.

सूर्यकांत नेटके : ॲग्रोवन वृत्तसेवा

नगर ः नगर येथील दादा पाटील शेळके कृषी उत्पन्न बाजार समितीत चिंचेच्या दरात घसरण झाली आहे. सध्या चांगल्या दर्जाच्या चिंचेला पाच हजार ते ८ हजार पाचशे रुपयांपर्यंत व सरासरी ६७५० रुपये दर मिळत आहे. हा दर एक महिन्यापूर्वी पंधरा हजारांपर्यंत गेला होता. दर तर कमी झालाच, पण आवकही कमी झाली आहे. नगर येथील दादा पाटील शेळके कृषी उत्पन्न बाजार समितीत नगर जिल्ह्यासह सोलापूर, औरंगाबाद, बीडसह राज्यांतील विविध भागांतून चिंच विक्रीला येते. येथून देशभरातील विविध राज्यांत, तसेच परदेशातही चिंचेची निर्यात होत आहे. चिंचेसोबत बोटूक चिंच, चिंचोकाही बऱ्यापैकी विक्रीला येतो. नगरचा बाजार चिंचेसाठी सतत चर्चेत असतो.

या वर्षी दोन महिन्यांपासून चिंच बाजारात येत आहे. साधारण महिनाभरापूर्वी फोडलेल्या एक नंबरच्या चिंचेची दीड हजार क्विंटलपर्यंत आवक होऊन ५ हजार ते पंधरा हजार व सरासरी १० हजार रुपये क्विंटलच्या जवळपास दर मिळत होता. गेल्या आठ दिवसांपासून आवकही कमी झाली आहे. सध्या ७०० ते ८०० क्विंटलपर्यंत आवक होत आहे. दरही आठ हजारांच्या आत आला आहे. फोडलेल्या चिंचेसह अखंड चिंचेचीही दर दिवसाला ३० ते ५० क्विंटलची आवक होत असून, एक नंबरच्या चिंचेसोबत ५० ते ६० क्विंटलची आवक होत असून, ३०० ते १८०० रुपये तर चिंच बोटुकाची २०० ते २५० क्विंटलची आवक होत असून, २७०० ते २९०० रुपये दर मिळत आहे. चिंचोक्याची आवक होत असून १५०० ते १५७५ रुपये दर मिळतोय. गेल्या महिनाभराच्या तुलनेत नगरला चिंचेचे बऱ्यापैकी दर कमी झाले आहेत.

फळांची आवक टिकून

नगर येथील दादा पाटील शेळके कृषी उत्पन्न बाजार समितीत गेल्या काही दिवसांपासून फळांची आवक टिकून आहे. कलिंगडाची साडेतीनशे क्विंटलच्या जवळपास, तर खरबुजाची ७० ते १०० क्विंटलच्या जवळपास आवक होत आहे. आंब्यांची आवकही वाढत आहे. हापूस, लालबाग, बदाम, केशर, पावरी आंब्याची मिळून दररोज शंभर क्विंटलच्या वर आवक होत आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT