Chandrapur News : राज्याचे मत्स्य व्यवसाय मंत्री सुधीर मुनगंटीवार यांची केंद्र सरकारच्या राष्ट्रीय मत्स्यव्यवसाय विकास मंडळाच्या नियामक मंडळावर सदस्यपदी नियुक्ती झाली आहे. केंद्रीय मत्स्यपालन मंत्रालयाने एका अधिसूचनेद्वारे घोषणा करण्यात आली.

राज्याचे वने, सांस्कृतिक कार्य व मत्स्यव्यवसाय मंत्री श्री. मुनगंटीवार यांच्यावर आता केंद्र सरकारच्या दोन पदांची जबाबदारी आली आहे. एप्रिलमध्ये राजस्थान येथील पश्चिम क्षेत्र सांस्कृतिक केंद्रातील कार्यक्रम समितीच्या अध्यक्षपदी राज्याचे मंत्री सुधीर मुनगंटीवार यांची नियुक्ती करण्यात आली.

केंद्रीय मत्स्यपालन, पशुपालन व डेअरी मंत्री पुरुषोत्तम रूपाला या महामंडळाच्या अध्यक्षस्थानी आहेत. तर राज्यमंत्री डॉ. एल. मुरुगन आणि डॉ. संजीव कुमार बालियान या दोघांकडे उपाध्यक्षपदाची जबाबदारी आहे. मुनगंटीवार यांच्यासह काही मंडळींना सदस्य म्हणून मंडळावर नियुक्त केले आहे.