Satara Rain agrowon
ॲग्रो विशेष

Satara Rain : सातारा जिल्ह्यात उष्णतेच्या लाटेबरोबर, पुढचे ५ दिवस वादळी पावसाची शक्यता

Stormy Rain : वळवाच्या पावसाने हजेरी लावल्याने ग्रामीण भागात खरीप हंगामाच्या पूर्व मशागतीच्या कामांना सुरुवात झाली आहे.

sandeep Shirguppe

Satara Rain : सातारा जिल्ह्यात यंदा वळीव पावसाने अनेक तालुक्यात दिलासा दिला आहे. दरम्यान पुढचे ५ दिवस पावसाची शक्यता असल्याचे हवामान विभागाने माहिती दिली आहे. पुढील पाच दिवस काही ठिकाणी वादळी पाऊस, तर काही भागांत उष्णतेच्या लाटेचा इशारा हवामान विभागाने दिला.

मागील १० ते १२ दिवसांपासून सातारा जिल्ह्याच्या वेगवेगळ्या भागांत वादळी पाऊस होत आहे. हवामान विभागाने आणखी पुढील पाच दिवस जिल्ह्यातील काही भागांत पावसाचा अंदाज दिला. हवामान विभागाने उद्या (मंगळवारी) साताऱ्यासह कऱ्हाड, पाटण, महाबळेश्वर, खंडाळ्यामध्ये काही ठिकाणी विजा आणि मेघगर्जनेसह वादळी पावसाचा अंदाज असल्याची माहिती दिली आहे. बुधवारी आणि गुरुवारीही जिल्ह्यातील काही ठिकाणी वादळी पावसाचा अंदाज हवामान विभागाने दिला.

दरम्यान, वळवाच्या पावसाने हजेरी लावल्याने ग्रामीण भागात खरीप हंगामाच्या पूर्व मशागतीच्या कामांना सुरुवात झाली आहे. काही ठिकाणी चांगल्या पावसाची प्रतीक्षा असली, तरी शेतकऱ्यांमध्ये समाधानाचे वातावरण आहे.

मॉन्सूनने दक्षिण बंगालचा उपसागर, निकोबार बेटे आणि दक्षिण अंदमान समुद्रात प्रगती केली आहे, तर अंदमानात दाखल झालेला मॉन्सून यंदा ३१ मेपर्यंत केरळात दाखल होण्याची शक्यता आहे; पण पूर्व मोसमी पावसाने राज्याला चांगलाच दणका दिला.

कोरेगाव तालुक्यात जोरदार पाऊस

सातारा जिल्ह्यातील कोरेगाव तालुक्यातील वाघोली येथील जिल्हा परिषद शाळेचे काल संध्याकाळी वादळी वाऱ्यासह झालेल्या मुसळधार पावसाने मोठे नुकसान झाले आहे. शाळेचे असलेले पत्रेच या पावसात उडून गेले आहेत. सुदैवाने या घटनेत कोणीही जखमी झाले नाही पण पावसाने शाळेचे मोठे आर्थिक नुकसान झाले आहे. सातारा बस स्थानकात देखील पावसामुळे प्रवाशांची तारांबळ उडाली.

आनेवाडीत होर्डिंग कोसळले

आनेवाडी टोल नाक्यासह भुईंज ते लिंब फाटा परिसरात धोकदायक होर्डिंग वादळी वाऱ्याने भुईसपाट झाले. साेमवारी संध्याकाळी अचानक सोसाट्याच्या वाऱ्यामुळे व पडत असलेल्या मुसळधार पावसाने मोठे होर्डींग अचानक कोसळल्याने वाहतूक काही काळ मंदावली होती. या घटनेत सुदैवाने कोणतीही जिवीत हानी झाली नाही.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT