Palghar News : तालुक्यातील २०२५ ते २०३० दरम्यान होणाऱ्या ४७ ग्रामपंचायतींसाठी अनुसूचित क्षेत्रातील सरपंचपदाची आरक्षण सोडत काढण्यात आली. यामध्ये अनुसूचित जमाती, नागरिक मागास प्रवर्ग व सर्वसाधारण या प्रवर्गात एकूण २५ जागा महिलांसाठी आरक्षित करण्यात आल्या आहेत. \

बिगर अनुसूचित क्षेत्रातील ग्रामपंचायतीच्या सरपंचपदाची आरक्षण सोडत तहसील कार्यालयात काढण्यात येऊन ती जाहीर करण्यात आली. या सोडतीनुसार एकूण ४७ ग्रामपंचायतीपैकी अनुसूचित स्त्री प्रवर्गात शिलट्टे ग्रामपंचायत आरक्षित झाली आहे.

नागरिकांचा मागास प्रवर्गासाठी १३ जागा निश्चित करण्यात आल्या असून यात महिलांसाठी सात, तर सहा सर्वसाधारणसाठी आहेत. तसेच सर्वसाधारण प्रवर्गात १७ महिलांसाठी आणि १६ खुल्या जागांसाठी सरपंचपद आरक्षित आहे. सात एप्रिलला काढण्यात आलेली आरक्षण सोडत जिल्हाधिकाऱ्यांनी २२ जुलैच्या आदेशानुसार रद्द करण्यात आली.

अनुसूचित जाती स्त्री प्रवर्ग असलेल्या ग्रामपंचायती बिगर अनुसूचित क्षेत्रातील अनुसूचित जमातीच्या लोकसंख्येच्या टक्केवारीनुसार उतरत्या क्रमाने यादी तयार केली. सर्वाधिक ९५.५४ टक्के अनुसूचित जमाती लोकसंख्येची टक्केवारी असल्याने शिलटे ग्रामपंचायत अनुसूचित जमाती महिलांसाठी आरक्षित आहे.

सर्वसाधारण महिलांसाठी १७ ग्रामपंचायती

सर्वसाधारण प्रवर्गासाठी सर्वसाधारण महिला सरपंचपदासाठी १७ ग्रामपंचायती आरक्षित आहेत. यामध्ये मागील आरक्षणावेळी महिला सरपंचपद आरक्षित असलेल्या एकाही ग्रामपंचायतीचा समावेश नाही. कोलावडे, आलेवाडी, दापोली, केळवा, कोळगाव, उमरोळी, मोरे कुरण, विराथन खुर्द, कुंभवली, दातिवरे, खैरा पाडा, नांदगाव तर्फे तारापूर, एडवण, वेडी मांजर्ली, शिरगाव, मांडे या ग्रामपंचायतींचा समावेश आहे.

मागास प्रवर्गासाठी गावे

1 महिला : मायखोप, सरावली, सालवड, तिघरेआंबोंडे, कोरे, आगरवाडी, चटाळे

2 सर्वसाधारण : भादवे, मधुकर नगर, पंचाळी, नवापूर,

सातपाटी, खर्डी