Health Benefits : मधुमेह या आजाराचा जगभरात मोठ्या प्रमाणात प्रसार झालेला आहे. वैद्यकीय भाषेत मधुमेहाला डायबिटिस मेलिटस असे म्हणतात.  

मधुमेहामुळे माणसाच्या शरीरातले स्वादुपिंड पुरेसे इन्शुलिन तयार करू शकत नाही किंवा शरीरातील तयार झालेल्या इन्शुलिनला पेशींकडून पुरेसा प्रतिसाद मिळत नाही. या दोन्ही प्रकारात पेशींमध्ये ग्लूकोज शोषण्याच्या क्रियेत अडथळा येतो. 

शरीरातील प्रत्येक पेशीला ऊर्जेची गरज असते. शरीराचा ऊर्जेचा प्राथमिक स्रोत ग्लूकोज आहे. या आजारावर वेळीच उपचार नाही केल्यास रुग्णाला इतर आजारही वाढतात. औषधे आणि आहारातून मधुमेहावर नियंत्रण ठेवता येते.  

त्यामुळे मधुमेहाच्या नियंत्रणासाठी विविध उपचार केले जातात. मात्र एका संशोधनात असे दिसून आले आहे की, कडुनिंबाची पाने इन्सुलिन तयार करणाऱ्या पेशी पुन्हा निरोगी करु शकतात.

 कडूनिंब झाडाची पान, फळं, फुलं, साल, खोड आणि काडया सर्व काही औषधी आहेत.

त्यामुळे मधुमेह असलेले रुग्ण दररोज कडुनिंबाच्या पानांचे सेवन करु शकतात. यासाठी सकाळी रिकाम्या पोटी ३-४ ताजी पाने घेऊन पाण्याने धुवून चांगली चावून त्याचा रस गीळून टाकावा. कडुनिंबाची पाने खल्ल्यास रक्त स्वच्छ राहते. तोंडाचे आरोग्य सुधारते. मूत्रपिंड आणि यकृत स्वच्छ राहतात. त्वचेसाठीही कडूनिंब उपयुक्त आहे. जखमा आणि फोड बरे करण्यासाठी कडूनिंबाचा उपयोग होतो. मात्र कडूनिंबाचा आहारात उपयोग करण्यापुर्वी डॉक्टरांचा सल्ला जरुर घ्यावा.