Manohar Joshi Health News : महाराष्ट्राचे माजी मुख्यमंत्री व शिवसेनेचे ज्येष्ठे नेते मनोहर जोशी यांची काल रात्री अचानक प्रकृती खालावली आहे. त्यांना तातडीने मुंबईतील हिंदुजा रूग्णालयात दाखल करण्यात आले आहे. त्यांची प्रकृती सध्या स्थिर असल्याचे समजते.

मनोहर जोशी हे गेल्या काही दिवसांपासून आजारी आहेत. मेंदूशी संबंधित व्याधीवर ते उपचार घेत आहे. त्यामुळे मागील काही वर्षांपासून ते सक्रिय राजकारणातून बाजूला होते. काल रात्री मनोहर जोशींना अचानक अस्वस्थ वाटू लागलं, म्हणून त्यांना हिंदुजा रूग्णालयात दाखल करण्यात आले आहे.

आज सकाळी शिवसेना (ठाकरे गट) पक्षप्रमुख उद्धव ठाकरे, पत्नी रश्मी ठाकरे यांनी रूग्णालयात जाऊन प्रकृतीची विचारपूस केली. मनोहर जोंशीवर डॉक्टर चारूलता संकला यांच्या निगराणीखाली ठेवण्यात आले असून, त्यांच्यावर उपचार सुरू आहेत.

मनोहर जोशी हे बाळासाहेब ठाकरे यांच्या निकटवर्ती होते. शिवसेनेतील पहिल्या फळीतील प्रमुख नेत्यांपैकी एक होते. महाराष्ट्रात सन १९९५ मध्ये झालेल्या निवडणुकीनंतर शिवसेना-भाजप युतीच्या सरकारमध्ये ते महाराष्ट्राचे मुख्यमंत्री होते. तसेच केंद्रात एनडीएचे सरकार असताना त्यांनी लोकसभेचे अध्यक्षपदी भूषावले आहे.

मध्य मुंबई लोकसभा मतदारसंघातून त्यांचा पराभव झाल्यानंतर हळूहळू बाजूला पडले. तसेच पक्ष संघटनेतूनही त्याना डावलण्यात आले होते. काही दिवसांपूर्वी शिवसेनेत झालेल्या बंडानंतर मुख्यमंत्री एकनाथ शिंदे यांनी त्यांची भेट घेतल्यानंतर पुन्हा चर्चेत आले होते.