Pune News : गेल्या आठवड्यात २३ जानेवारीला दिल्लीसह एनसीआरमध्ये भूकंपाचे तीव्र धक्के बसले होते. येथे ७.२ रिश्टर स्केल तीव्रतेच्या धक्के बसले होते. यापाठोपाठ आता साताऱ्यात भूकंपाचे धक्के रविवारी (२८ रोजी) संध्याकाळी ५ वाजण्याच्या सुमारास जाणवले. येथील कोयना, पाटण भागात हे धक्के बसले असून हा भूकंप ३.१ रिश्टर स्केल तीव्रतेचा होता. यामुळे साताऱ्यात नागरींकामध्ये भीतीचे वातावरण पसरले आहे.

सातारा आणि परिसरात थंडीचा जोर वाढला आहे. येथे हिवाळ्यात थंडीचा आस्वाद घेण्यासाठी मोठ्या प्रमाणात पर्यटक हजेरी लावतात. त्यामुळे येथे मोठ्या प्रमाणात पर्यटकांची गर्दी पाहायला मिळत आहे. यादरम्यान साताऱ्याच्या कोयना, पाटण भागात रविवारी सायंकाळी ५ वाजून ६ मिनिटांनी भूकंपाचे सौम्य धक्के जाणवले आहेत. या भूकंपाचा केंद्रबिंदू हेळवाकपासून १६ किलोमीटर अंतरावर होता. तर भूकंपाची खोली जमिनीखाली ९ किलोमीटर होती. तर हा भूकंप सौम्य धक्यांचा असल्याने सुदैवानं कोणतंही नुकसान झालेले नाही.

मिळालेल्या माहितीनुसार, कोयना धरण परिसरात रविवारी संध्याकाळी ५ वाजण्याच्या सुमारास भूकंप जाणवला. जो ३.१ रिश्टर स्केल तीव्रतेचा होता. हा ५ रिश्टर स्केलच्या तीव्रतेच्या आत असल्याने सौम्य होता. त्यामुळे कोयना धरण आणि परिसराला या भूकंपाचा कोणताही धोका नसल्याची माहिती धरण व्यवस्थापनाच्या वतीनं देण्यात आली आहे. तसेच नागरीकांनी देखील घाबरून जाऊ नये असे आवाहन करण्यात आले आहे.

वारंवार भूकंपाचे हादरे

वारंवार भूकंपाचे हादरे याच्याआधी अनेक वेळा भूकंपाचे हादरे बसले आहेत. याच्याआधी २०२३ मध्ये भूकंपाचे ७ धक्के येथे बसले होते. ८ जानेवारी २०२३ रोजी २.९ रिश्टर स्केल, त्यानंतर १ फेब्रुवारी, ६ मे, १६ ऑगस्ट, ७ सप्टेंबर आणि २९ ऑक्टोबर रोजी भूकंपाचे धक्के कोयना धरण परिसरात जाणवले होते.