Nashik News : कांद्याच्या प्रश्नावर नाशिक जिल्ह्यातील व्यापाऱ्यांनी लिलाव बंदचा निर्णय घेतला. त्यांच्या आंदोलनाचा आज तिसरा दिवस आहे. पालकमंत्री दादा भुसे यांनी मध्यस्थी करण्याचा प्रयत्न केला. परंतु तोडगा न निघाल्याने व्यापारी आपल्या मागणीवर ठाम आहेत. दरम्यान, आज येवल्यात दुपारी ३ वाजता व्यापाऱ्यांची बैठक होणार आहे. या बैठकीत आंदोलनाची पुढची दिशा ठरणार आहे.

देशांतर्गत बाजारपेठेत कांद्याचे दर नियंत्रित ठेवण्याने केंद्र सरकारने कांदा निर्यातीवर ४० टक्के शुल्क लागू करण्याचा निर्णय घेतला. तसेच नाफेड व एनसीसीएफकडून कांदा खरेदी केला. या निर्णयाच्या विरोधात कांदा उत्पादक रस्त्यावर उतरले आहे. देशांतर्गत बाजारपेठेत कांद्याचे दर नियंत्रित ठेवण्याने केंद्र सरकारने कांदा निर्यातीवर ४० टक्के शुल्क लागू करण्याचा निर्णय घेतला. तसेच नाफेड व एनसीसीएफकडून कांदा खरेदी केला. या निर्णयाच्या विरोधात कांदा उत्पादक रस्त्यावर उतरले आहे. त्याचवेळी नाफेड आणि एनसीसीएफने देशांतर्गत बाजारात कांद्याची विक्री सुरू केली आहे. त्यामुळे कांद्याचे दर पडले आहेत. त्याचा फटका शेतकऱ्यांसह व्यापाऱ्यांनाही होत आहे.

नाशिक जिल्हा कांदा असोसिएशनने बुधवारपासून बाजार समित्यांमध्ये जाऊन कांदा लिलावात भाग घेणे पुन्हा बंद केले आहे. या आंदोलनात जिल्ह्यातील १५ बाजार समिती आणि उपसमितींनी सहभाग नोंदवला. त्यामुळे कांद्याची मुख्य बाजारपेठ असलेल्या लासलगाव, पिंपळगाव बसवंतसह जिल्ह्यातील प्रमुख बाजार समित्यांमधील कांदा लिलाव ठप्प झाले. या प्रश्नावर तोडगा काढण्यासाठी पालकमंत्री दादा भुसे यांनी गुरुवारी जिल्हाधिकारी कार्यालयात तातडीची बैठक बोलावली. या बैठकीला व्यापारी आणि विविध शेतकरी संघटनांचे पदाधिकारी, नाफेड व एनसीसीएफचे अधिकारी, जिल्हाधिकारी जलज शर्मा, पोलिस अधीक्षक शहाजी उमाप, जिल्हा उपनिबंधक फैयाज मुलानी आदी उपस्थित होते. परंतु तोडगा न निघाल्याने व्यापाऱ्यांनी आंदोलन सुरूच ठेवले आहे. आपल्या आंदोलनाची दिशा ठरविण्यासाठी आज दुपारी तीन वाजता व्यापाऱ्यांची बैठक येवल्यात होणार आहे.