Pune News : मराठा समाजासाठी मराठा आंदोलक मनोज जरांगे पाटील हे पुन्हा एकदा मैदानात उतरले आहेत. यावेळी त्यांनी सरकारला इशारा देत पुन्हा एकदा आमरण उपोषणाला शनिवारपासून (१० रोजी) सुरूवात केली आहे. ते अंतरवाली सराटीमध्ये उपोषणाला बसले आहेत. यावेळी त्यांनी, सग्या-सोयऱ्यांच्या कायद्याची अंमलबजावणी करावी या मागणीसह इतर मागण्यावरून सरकारने काढलेल्या आदेशाचे रूपांतर कायद्यात करावे असे म्हटले आहे. तसेच यासाठी आपला जीव गेला तरी चालेले पण एक इंच देखील मागे हटणार नाही. पण याची किंमत सरकारला चुकवावी लागेल असे मनोज जरांगे यांनी म्हटल आहे.

मराठा समाजाच्या आरक्षणासाठी मुंबईकडे कुच करत सरकारला आपल्या मागण्या मनोज जरांगे यांनी मान्य करवून घेतल्या होत्या. त्यावेळी राज्य सरकारनं त्यांच्या मागण्या मान्य करत आध्यायदेश काढला होता. मात्र त्यांची अंमलबजावणी अद्याप केलेली नाही.

यावरून मनोज जरांगे यांनी आमरण उपोषणास सुरूवात केली आहे. तसेच त्यांनी, आज पासून उपोषण सुरु करतोय. मी, उपचार, पाणी अन्न घेणार नाही. तर जोपर्यंत मागण्या मान्य होत नाही, तोपर्यंत उपोषण सोडणार नाही, असेही मनोज जरांगे पाटील म्हटले आहे.

यावेळी मनोज जरांगे यांनी, सरकारने मराठा समाजाला आरक्षण देण्यासाठी १५ तारखेला विशेष अधिवेशन बोलवावे अशी मागणी केली आहे. तसेच सरकारने मराठा समाजातील तरूणांवर दाखल केलेले गुन्हे मागे घ्यावेत. याच्याआधी सरकारने यापेक्षाही भयानक गुन्हे मागे घेतले आहे. यामुळे सरकारच्या मनात आले तर काहीही होऊ शकते, असे ते म्हणाले आहेत.

पुढे मनोज जरांगे म्हणाले की, माझे शरीर सध्या साथ देत नाही. मी याच्याआधीच माझ्या राज्याची भेट घेऊन आलो आहे. त्यामुळे एक इंचही मागे हटणार नाही. समाजासाठी मी मोठा नाही. पण सरकारने एका जीवाची किंमत करण्यापेक्षा समाजाचा विचार करावा. एक जीव गेला तरी चालेल” पण याची सरकारला किंमत चुकवावी लागेल. यामुळे सरकारने विशेष अधिवेशन बोलवून सग्या-सोयऱ्यांची व्याख्या करावी. सरकारने हैदराबादचे गॅजेट अमंलात आणावे, अशीही मागणी केली आहे.