Buldana News : शेतकऱ्यांनी नवे प्रयोग करून अधिकाधिक उत्पादन घ्यावे आणि इतर शेतकऱ्यांसाठी प्रेरणास्थान व्हावे, यासाठी कृषी विभागामार्फत खरीप हंगाम २०२५साठी पीकस्पर्धा योजना राबविण्यात येत आहे.

बुलडाणा जिल्ह्यासाठी यावर्षी मूग, उडीद, सोयाबीन, तूर, मका, बाजरी, ज्वारी, भुईमूग आणि सूर्यफूल ही पिके पिकस्पर्धेत समाविष्ट करण्यात आली आहेत. या स्पर्धेत शेतकऱ्यांनी सहभागी होण्याचे आवाहन जिल्हा अधीक्षक कृषी अधिकारी मनोजकुमार ढगे यांनी केले आहे.

स्पर्धकांनी विहित नमुन्यात अर्ज भरून, त्यासोबत सातबारा, नमुना आठ अ, चलन आणि जातप्रमाणपत्र (आवश्यक असल्यास) जोडून तालुका कृषी अधिकारी कार्यालयात सादर करावेत. अधिक माहितीसाठी www.krishi.maharashtra.gov.in संकेतस्थळ किंवा स्थानिक कृषी सहाय्यक, पर्यवेक्षक यांच्याशी संपर्क साधावा, असेही श्री. ढगे यांनी सांगितले.

स्पर्धेच्या मुख्य अटी

 शेतकऱ्याच्या नावावर जमीन असावी व तो स्वत: ती कसत असावा.

 एका शेतकऱ्याला एकापेक्षा अधिक पिकांसाठी अर्ज करता येईल.

 निवडलेल्या पिकासाठी सलग ४० आर क्षेत्र असणे आवश्यक.

 सर्व अर्जदार स्पर्धेसाठी पात्र समजले जातील.

प्रवेशशुल्क

 सर्वसाधारण गटासाठी प्रति पीक ३०० रुपये,

 आदिवासी गटासाठी १५० रुपये

अर्ज सादर करण्याच्या अंतिम तारखा

 मुग व उडीद पदक ः ३१ जुलै २०२५

 सोयाबीन, तूर, मका, ज्वारी, बाजरी, भुईमूग, सूर्यफूल: ३१ ऑगस्ट २०२५