K. Chandrasekhar Rao : आगामी निवडणुकीच्या पार्श्वभूमीवर बीआरएसकडून जोरदार तयारी सुरु केली आहे. तेलंगणाचे मुख्यमंत्री के चंद्रशेखर राव यांचे महाराष्ट्रातील दौरे वाढले असून उद्या ते सांगली दौऱ्यावर येत आहेत. आठ दिवसात त्यांचा हा पश्चिम महाराष्ट्रातील दुसरा दौरा आहे.

शेतकरी नेते रघुनाथदादा पाटील यांनी इस्लामपूरमध्ये शेतकरी परिषदेचे आयोजन केले असून या कार्यक्रमाला केसीआर उपस्थित राहणार आहेत.

गेल्या आठवड्यात केसीआर पश्चिम महाराष्ट्राच्या दौऱ्यावर आले होते. त्यांनी कोल्हापूर आणि सांगली जिल्ह्याचा दौरा केला. यावेळी ते शेतकरी संघटनेचे नेते रघुनाथदादा पाटील यांच्या निवासस्थानी गेले. तेव्हा पाटील यांनी बीआरएमध्ये प्रवेश घेतला.

भारत राष्ट्र समितीच्या माध्यमातून के चंद्रशेखर राव यांनी तेलंगणामध्ये सत्ता मिळला. लोकसभा निवडणुकीच्या पार्श्वभूमीवर केसीआर यांनी आपल्या पक्षाचा महाराष्ट्रात विस्तार करण्याचे वेध लागले आहेत. नांदेड, नागपूर, सोलापूर जिल्हा दौऱ्यानंतर पश्चिम महाराष्ट्राकडे मोर्चा वळवला आहे.