Dharashiv News : जिल्ह्यात दीड आठवड्याच्या विश्रांतीनंतर पुन्हा पावसाने सलग दोन दिवस हजेरी लावली आहे. मंगळवारी (ता. १५) आणि बुधवारी (ता. १६) बहुतांश भागांत हलका, तर काही भागांत मध्यम पाऊस झाला आहे.

लोहारा, तूळजापूर, परंडा, भूम, वाशी तालुक्यांत पावसाचा काहीसा जोर राहिला. तर, धाराशिव, कळंब, उमरगा तालुक्यात हलका पाऊस झाला. त्यामुळे काही ठिकाणी सोयाबीन पिकाचे नुकसान झाले.

मंगळवारी आणि बुधवारी सकाळपर्यंतच्या २४ तासांत जिल्ह्यात अनुक्रमे सरासरी ५ आणि ९.५ मिलिमीटर पाऊस झाला. हा पाऊस जिल्ह्यातील बहुतांश भागात पडला. लोहारा तालुक्यातील जेवळी मंडलात सर्वाधिक ३३ मिलिमीटर इतका पाऊस झाला.

तालुकानिहाय पाहिल्यास लोहाऱ्यात सरासरी २०.४, तुळजापुरात १२.८, परंड्यात ११.७, भूममध्ये ११.२, उमरग्यात ८.८, धाराशिव तालुक्यात २.७, कळंबमध्ये ५.८ तर वाशी तालुक्यात ११.५ मिलिमीटर पाऊस झाला.

तालुकानिहाय सर्वाधिक पावसाची १५ मंडले

तालुका मंडळ पाऊस (मिलिमध्ये)

लोहारा जेवळी ३३

तुळजापूर नळदूर्ग २४.३

भूम माणकेश्वर २१

उमरगा डाळिंब २०.५

परंडा आसू १९.३

लोहारा माकणी १८.३

परंडा जवळा १६.५

वाशी वाशी १६.३

भूम भूम १५

तुळजापूर सावरगाव १४.८

परंडा परंडा. १३.३

तुळजापूर सलगरा, तुळजापूर प्रत्येकी १२.८

तुळजापूर जळकोट १०.३

लोहारा लोहारा १०