Farmer Income: यंदा महारेशीम अभियान सुरू झाल्यापासून जिल्ह्यातील पाचही तालुक्यांतील मिळून एकूण १२० शेतकऱ्यांनी रेशीम उद्योग सुरू करण्यासाठी जिल्हा रेशीम कार्यालयाकडे नोंदणी केली आहे. जिल्ह्यात महारेशीम अभियानास शेतकऱ्यांचा उत्स्फुर्त प्रतिसाद मिळत असल्याची माहिती सूत्रांनी दिली..नागपूर येथील रेशीम संचालनालय अंतर्गत जिल्हा रेशीम कार्यालय यांच्या मार्फत हिंगोली जिल्ह्यात ४ फेब्रुवारीपासून महारेशीम अभियान राबविण्यात येत आहे. सद्यःस्थितीत जिल्ह्यातील ७८ गावांमध्ये एकूण ४४७ शेतकऱ्यांनी सुमारे ४५४ एकर क्षेत्रांवर तुती लागवड केलेली आहे. यापैकी अनेक शेतकरी वर्षाला ४ ते ५ किटक संगोपनाच्या बॅच घेऊन त्यातून दर वर्षी एक लाख रुपयांपेक्षा अधिक उत्पन्न मिळवत आहेत..Mahareshim Abhiyan: महारेशीम अभियानांतर्गत २५ हजार एकरांवर तुती लागवडीचे लक्ष्य.त्यामुळे इतर शेतकऱ्यांनीही किमान एक एकर तुती लागवड करून आपले वार्षिक उत्पन्न वाढवावे, असे आवाहन जिल्हा रेशीम विकास अधिकारी कार्यालयातर्फे करण्यात आले. शेतकऱ्यांनी जिल्हा रेशीम कार्यालयाकडे आपले सरकार पोर्टल मार्फत किंवा काही अडचण असल्यास ऑफलाईन पद्धतीने जिल्हा रेशीम कार्यालयात नोंदणी करून तुती लागवड करावी. .Mahareshim Abhiyan: ‘महारेशीम अभियान २०२६’ ला सुरुवात.नोंदणी केलेल्या पात्र शेतकऱ्यांना तुती लागवड, किटक संगोपन गृह, साहित्य आदी बाबींसाठी शासनाच्या महात्मा गांधी राष्ट्रीय ग्रामीण रोजगार हमी योजना (मनरेगा), सिल्क समग्र व पोकरा योजनेंतर्गत लाभ देण्यात येत आहे. मनरेगाअंतर्गत २०२५-२६ मध्ये तुती लागवड करून यशस्वीपणे कोष उत्पादन करणाऱ्या शेतकऱ्यांना एकरी सुमारे ४.३२ लाख रुपये अनुदान देय आहे..इतर योजनांमधूनही या उद्योगासाठी अनुदानाची तरतूद करण्यात आली आहे. जिल्ह्यातील इच्छुक शेतकऱ्यांनी तत्काळ नोंदणी करून या योजनांचा लाभ घ्यावा, असे आवाहन जिल्हा रेशीम कार्यालयातर्फे करण्यात आले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
