Chh. Sqambjhajinagr News : छत्रपती संभाजीनगर जालना व बीड या तीनही जिल्ह्यांत पावसाची प्रतिकूलता अजूनही कायम आहे. रविवारी (ता. १८) सकाळपर्यंतच्या २४ तासांत तिन्ही जिल्ह्यातील अनेक मंडलात तुरळक, हलका तर काही मंडलात मध्यम पाऊस झाला. बीड जिल्ह्यातील आष्टी तालुक्यातील एका मंडलात अतिवृष्टी झाली.

छत्रपती संभाजीनगर जिल्ह्यातील ८३ पैकी ५४ मंडलांत तुरळक हलका पाऊस झाला जिल्ह्यातील शिवना मंडळात झालेला १७.५ मिलिमीटर पाऊस सर्वाधिक राहिला.

जालना जिल्ह्यातील ४९ पैकी ४४ मंडलांत पावसाची तुरळक, हलका तर काही मंडलात मध्यम हजेरी लागली. बीड जिल्ह्यातील ७७ पैकी ३१ मंडलांत पावसाची हजेरी लागली. जिल्ह्यातील आष्टी तालुक्यातील आष्टी मंडलात ७१.८ मिलिमीटर इतक्या अतिवृष्टीची नोंद झाली.

मंडलनिहाय झालेला पाऊस (मिलिमीटरमध्ये)

छत्रपती संभाजीनगर जिल्हा

लाडसावंगी ७.५, सिल्लोड ५.३ ,निल्लोड ६.३, भराडी ६.८, अजिंठा ८, अंभई ११, पालोद १६, शिवना १७.५ ,आळंद ७.५ , पिरबावडा ५ ,वडोद बाजार ६.

जालना जिल्हा

भोकरदन ८, सीपोरा ६, धावडा १७, अनवा ३७, पिंपळगाव रेणुकाई ३०, केदारखेडा ५, माहोरा ७.३, वरुड बुद्रुक १०.३ ,वाघरुळ ६.५ ,नेर २०.८ ,शेवली ११.८, विरेगाव १५ ,रामनगर ७ ,पाचनवडगाव ६, परतुर १३.५ ,वाटूर ४८.३ ,बदनापूर ६.३, शेलगाव ५.५ , बावणे पांगरी ७.५, अंतर्वली खांडी १०, रांजणी २८.३, तळणी १८.३, पांगरी गोसावी २३.३

बीड जिल्हा

आष्टी ७१.८, कडा १७.३ टाकळसिंग १०.५ दावला वडगाव ६.८, धानोरा १३, पिंपळा ५.८, सीरसदेवी २०, माजलगाव २१.५, गंगामसला ५.८, कीट्टी आडगाव १५, तालखेड ७, नीत्रुड ३८.३, दिंद्रुड ११, युसूफ वडगाव १०.८, केज ५.३, बनसारोळा १७.५.