Chh. Sambhajinagar News : मराठवाड्यातील छत्रपती संभाजीनगर, जालना, परभणी, हिंगोली, नांदेड व लातूर जिल्ह्यातील ४० मंडलांत रविवारी (ता. २०) सकाळपर्यंतच्या २४ तासात अतिवृष्टी झाली. पावसाळा संपल्यानंतर झालेल्या या पावसाने अनेक भागात चांगलीच दाणादाण केली.

छत्रपती संभाजी नगर जिल्ह्यात पावसाचा जोर सर्वाधिक होता. त्या पाठोपाठ जालना, नांदेड, परभणी, हिंगोली, जिल्ह्यात पावसाची हलकी, मध्यम, दमदार ते जोरदार हजेरी लागली. छत्रपती संभाजीनगर जिल्ह्यातील १५ मंडळात अतिवृष्टी झाली.

त्या पाठोपाठ जालना व नांदेड जिल्ह्यातील प्रत्येकी १० व परभणी व हिंगोली जिल्ह्यातील प्रत्येकी दोन, तसेच लातूर जिल्ह्यातील एका मंडळात अतिवृष्टी झाली. हा पाऊस रब्बीच्या पुढील पेरणीसाठी पोषक ठरणार असला तरी रब्बीसाठी रान तयार करण्यात या पावसाने व्यत्यय निर्माण केला आहे. याशिवाय खरिपातील काढणीला आलेल्या पिकाचेही या पावसाने मोठे नुकसान झाले आहे.

मंडळनिहाय अतिवृष्टी (मिलिमीटरमध्ये)

छत्रपती संभाजीनगर जिल्हा

पिसादेवी १२३, उस्मानपुरा ७८.३, चिकलठाण ६७.८, हरसुल ७९.५, शेकटा ६९.८, वरुडकाजी १२३, गारज ७५, देवगाव ८५, चिंचोली ८४.५, करंजखेड ८४.५, वेरूळ ८९.५, सुलतानपूर ७०.३, बनोटी ६९, बोरगाव ७४.३, फुलंब्री ७२.८.

जालना जिल्हा

जालना ग्रामीण ६५.७५, विरेगाव ८१.२५, रामनगर ७६.२५, पाचनवडगाव ७६.२५, परतूर ९३, वाटुर ७४, शेलगाव ६९, राणी उचेगाव १२०, रांजणी ८७.२५, पांगरी ६५.५०.

लातूर जिल्हा

हाडोळती ७८.७५.

नांदेड जिल्हा

नांदेड शहर ९५.२५, नांदेड ग्रामीण ७०.५०, वसारणी ६९.७५, लिंबगाव ९१.७५, तरोडा ७७.५०, गुरुला ७६, माळाकोळी ७१.७५, माहूर ७०.५०, गोळेगाव ७४.२५, अर्धापूर ६८.२५.

परभणी जिल्हा

चुडावा ६६, मोरेगाव ९४.५०.

हिंगोली जिल्हा

सेनगाव ७२.७५, गोरेगाव ७२.७५.