Unseasonal Rain Damage Maharashtra News Updates: राज्यातील अनेक भागांना बुधवारी गारपिटीसह अवकाळी पावसाचा तडाखा बसला. पश्चिम महाराष्ट्रासह मराठवाड्याला पावसाने झोडपून काढले. मराठवाड्यातील छत्रपती संभाजीनगर, लातूर, धाराशिव, नांदेड जिल्ह्यात वादळी पाऊस झाला. येथील काही भागात गारपीटही झाली. यामुळे काढणीला आलेल्या गहू, हरभरा, ज्वारीसह भाजीपाला पिकांचे मोठ्या प्रमाणात नुकसान झाले आहे. अनेक ठिकाणी ज्वारी पीक आडवे झाल्याचे दिसून आले आहे. यामुळे शेतकऱ्यांनी चिंता व्यक्त केली आहे. .लातूरसह धाराशिव जिल्ह्यात सलग दुसऱ्या दिवशी अवकाळी पाऊस झाला. कळंब तालुक्यातील येरमाळा परिसरात एक तास पाऊस झाला. यामुळे सगळीकडे पाणीच पाणी झाले. यामुळे गहू ज्वारी, कांदा उत्पादक शेतकऱ्यांवर अवकाळीचे संकट कोसळले आहे. सोलापूर जिल्ह्याच्या सांगोल्यातही जोरदार गारपीट झाली आहे. यामुळे काढणीला आलेल्या द्राक्ष, डाळिंब बागांना मोठा फटका बसला..सांगलीतील जत तालुक्यात वादळी वाऱ्यासह पाऊस झाला. यामुळे द्राक्ष, ज्वारी, गहू पिकांचे नुकसान झाल्याचे दिसून आले. साताऱ्यातील फलटण तालुक्यातील गिरवी- धुमाळवाडी परिसरात गारांचा पाऊस झाला. येथील डाळिंब आणि आंबा पिकांचे नुकसान झाले. अचानक आलेल्या पावसाने नागरिकांची तारांबळ उडाली. .Maharashtra Rain Update: मध्य महाराष्ट्र, मराठवाड्यात पाऊस, गारपिटीचा इशारा.कोल्हापूर शहरासह करवीर, भुदरगड तालुक्यांत जोरदार गारांचा पाऊस पडला. जिल्ह्याच्या काही भागात गारपिटीसह पाऊणतास पाऊस पडला. ऊस, भुईमूग पिकासाठी हा पाऊस चांगला असल्याचे शेतकऱ्यांचे म्हणणे आहे. पण काढणीला आलेल्या गहू पिकाचे नुकसान झाले आहे. .पुणे जिल्ह्यातील भोर, उरळी कांचन परिसरालाही गारपिटीचा तडाखा बसला. यामुळे वीजपुरवठा खंडित झाला. तसेच पिकांचे नुकसान झाले. या जोरदार पावसामुळे बांधकामाधीन असलेल्या पुणे-कोल्हापूर महामार्गावर पाणी आल्याने वाहनांच्या ५ किलोमीटरपर्यंत रांगा लागल्याचे दिसून आले. .Maharashtra Hailstorm Prediction: १४ जिल्ह्यांमध्ये गारपीटीचा अंदाज राज्यात आज आणि उद्या पावसाचे प्रमाण अधिक राहण्याची शक्यता.जळगावात गारपीट, गहू, हरभरा, मका पिकाला फटका नाशिक जिल्ह्यातील बहुतांश भागात गारांचा पाऊस झाला. निफाड तालुक्यात विजांचा कडकडासह पावसाची नोंद झाली. जळगाव जिल्ह्यातही अवकाळी पाऊस आणि गारपीट झाली. याचा गहू, हरभरा आणि मका पिकाला फटका बसला. विदभातील अकोला जिल्ह्यातही विजांच्या विजांच्या कडकडाटासह वादळी पाऊस झाला. .आज यलो अलर्टदरम्यान, आज गुरुवारी (दि. १९) मध्य महाराष्ट्रासह मराठवाड्यात जोरदार वादळी वाऱ्यासह पावसाचा अंदाज आहे. यामुळे हवामान विभागाने यलो अलर्ट जारी केला आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
